RƏSULULLAHIN HƏZRƏTİ ƏLİYƏ VƏSİYYƏTLƏRİ

Rəsulullah (sallallahu aleyhi və səlləm) bir gün Həzrəti Əlini hüzuruna çağırıb belə buyurdu:

"Ya Əli! Sən mənə Harun əleyhissəlamın Musa əleyhissəlama olduğu kimisən. Fəqət məndən sonra Rəsul gəlməz. Sənə vəsiyyət edirəm. Dinləyib əzbərləsən, şükür edənlərdən olarsan və şəhid olarsan. Allahu təala həzrətləri səni qiyamət günündə fəqih və alim olaraq dirildər.

Bil ki, möminin 3 əlaməti var: Namaz qılmaq, oruc tutmaq və sədəqə vermək.

Riyakarın 3 əlaməti olur: Başqalarının yanında namazın rükunu və səcdəsini tam edər, tənhalıqda heç bir rüknü yerinə yetirməz. Mədh etdikləri vaxt sevə-sevə edər. Allahı açıqda çox zikr edər.

Zalımda 3 əlamət olur: Özündən aşağı olana təzyiq göstərər. Gücü çatınca xalqın malını zorla alar. Yeyib-içdiyini, geyindiyini heç araşdırmaz.

Qısqanclarda 3 əlamət olur: Yanında ikən qarşısındakına yaltaqlanar. Uzaqlaşanda onu qeybət edər. Hər kimə müsibət gələrsə, sevinər.

Münafiqdə 3 əlamət olur: Yalan söyləyər. Sözündə durmaz. Əmanətə xəyanət edər.

Tənbəllərdə 3 əlamət olur: Allahu təalanın əmrlərini etməkdə tənbəllik edər. Qüsurlu əməl edib əməli boşa gedər. Namazı təxir edər. Hətta vaxtını da keçirər.