Ərzaq məhsullarını otaq temperaturuna nisbətən soyuqda daha uzun müddətə saxlamağın mümkün olduğu sizə yaxşı məlumdur. Qədim insanlar bu məqsədlə buzdan istifadə edirlərmiş. Ümumiyyətlə ərzaq məhsullarının kimyəvi yolla soyudulmasının 5 əsrlik tarixi vardır. XVI əsrdə Vilfafrank adlı bir aşpaz varlıların süfrəsi üçün şərabı selitra qatılmış suda soyutmaqla hazırlayırdı. İlk məişət soyuducusu almaniyalı mühəndis Karl fon Linde (1842-1934) tərəfindən kəşf olunmuşdur. Onun soyuducusu qazı borulara vuran buxar mühərriki ilə işləyirdi. Soyuducunun arxasındakı boru ilə hərəkət edən qaz kondensə olunaraq mayeyə çevrilirdi. Soyuducuya daxil olan maye dövr edir və temperaturu kəskin şəkildə azaldırdı. Nəticədə soyuducunun kamerası soyuyurdu. İlk soyuducunun korpusu ağacdan hazırlanırdı. Belə soyuducunun qiyməti də baha idi. Onu 1750 markaya satırdılar ki, bu məbləğə o zamanlar kənddə böyük bir ev almaq mümkün idi. İlk elektrik soyuducusu isə 1923-cü ildə isveçli mühəndislər Baltsferon fon Platen və Karl Munters tərəfindən kəşf olunmuşdur.

Dəlixanada iki nəfəri azad etməyə hazırlaşırlar. Həkimlər “çağıraq, axırıncı yoxlamadan keçirək görək ağıllanıblarmı” deyirlər. Hər ikisini masa arxasına çağırırlar.

Masanın üzərinə iki qab qoyurlar. Birinin içinə zeytun, o birinin içinə hamam böcəyi yığırlar. Sonra deyirlər bunları yeyin. Dəlilərdən biri tez zeytunları yeməyə başlayır. O birisi isə tez hamam böcəklərini yeməyə başlayır və deyir:

- Əvvəl bunları yeyək. O birilər qaçmır.