RƏVAYƏT - HƏZRƏTİ ƏLİNİN DƏRƏCƏSİ

Əshabi-kiram Həzrəti Əlinin dərəcəsini öyrənmək üçün Peyğəmbərimizə bir gün dedilər ki;

- Ya Rəsulallah! Həzrəti Əliyə bu məhəbbətinizin səbəbini bildirərsinizmi?
Peyğəmbərimiz buyurdu ki:
- O zaman Əlini çağırın!

Birisi həzrəti Əlini dəvətə gedincə, Peyğəmbər əfəndimiz orada olanlara buyurdu ki:
- Bir kimsəyə yaxşılıq etsəniz, o da sizə pislik etsə, nə edərsiniz?
- Yenə yaxşılıq edərik.
- Təkrar sizə pislik etsə, yenə yaxşılıq edərsinizmi?
- Yenə yaxşılıq edərik.
- Sizə üçüncü dəfə pislik etsə nə edərdiniz?

Üçüncü dəfə buyurduğu vaxt, cavab verən olmadı. Susub başlarını önlərinə əydilər.
Həzrəti Əli gəlincə, Peyğəmbər əfəndimiz ondan da eyni sualı soruşdu.
- Ya Əli! Bir kimsəyə yaxşılıq etsən, o da sənə pislik etsə, nə edərsən?
- Yaxşılıq edərəm.

Peyğəmbər əfəndimiz yeddi dəfə soruşdu və hamısında da eyni cavabı aldı:
- Yenə yaxşılıq edərəm. Ya Rəsulallah! Özünüzü yormayın. Necə dəfə soruşsanız da eyni cavabı verərəm.
Əshabi-kiram da bu cavabları dinlədikdən sonra heyrət içində peyğəmbər əfəndimizə belə dedilər:
- Ya Rəsulallah! Həzrəti Əliyə niyə bu qədər məhəbbət bəslədiyinizi və sevdiyinizi anladıq. Bizdə onu çox sevirik...