RƏVAYƏT - BİZANS İMPERATORU

Peyğəmbər əfəndimizin Bizans imperatoruna elçi olaraq göndərdiyi Dıhyeyi Kəlbi (radıyallahu anh) deyir ki:

Rəsuli əkrəm mənimlə Bizans imperatoruna bir məktub göndərdi. İstanbula çatıb yanına getdiyim zaman Rəsuli əkrəmin məktubunu ona verdim. Məktubun tamamının oxuduqdan sonra, imperatorun yanında olanlar çıxdılar. Məni yaxınına çağırıb məsləhətçisi olan patriarxa xəbər göndərdi. Patriarx gəlincə vəziyyəti ona danışdı və məktubu oxutdu. Məktubu dinləyən Patriarx dedi ki:

- Budur gözlədiyimiz və İsa əleyhissəlamın bizə müjdələdiyi peyğəmbər budur.
İmperator maraqla ondan soruşdu:
- O halda indi nə etməliyik?
- Səni bilmirəm amma mən onu təsdiq edib tabe olacağam.
- Mən sənin nə demək istədiyini çox yaxşı bilirəm. Amma ona tabe olmağa, müsəlman olmağa gücüm çatmaz. Çünki həm hökmdarlığım gedər, həm də məni öldürərlər.

Beləcə müsəlman olmaqdan məhrum qaldı. Patriarx isə bir neçə bazar kilsədə toplaşan xalqın önünə çıxmadı. Peyğəmbər əfəndimizə iman etdiyini bildirən məktub göndərdi. Patriarxın iman etdiyi bilindi. Patriarxın müsəlman olduğu eşidilincə, xristianlar tərəfindən şəhid edildi.