SÖHBƏT - RƏQAİB GECƏSİ

Bu gecə, Rəcəb ayının ilk Cümə gecəsi, yəni Rəqaib gecəsidir. Bu gecədə Allahu təala mömin qullarına rəqibətlər, yəni lütflər və ikramlar edər. Bu gecəyə hörmət edənlər bağışlanar. Bu gecə edilən dua rədd edilməz və namaz, oruc, sədəqə kimi ibadətlərə qat-qat savab verilər. Çox tövbə və istiğfar etmək, qəzaya qalmış namazları dərhal qəza etməyə başlamaq lazımdır. Bir an əvvəl bu borclardan xilas olmaq üçün çalışmaq lazımdır. Bu mübarək zamanlarda vəd edilən savablara qovuşa bilmək üçün hər şeydən əvvəl etiqadı düzəltmək, elmihal bilgilərini öyrənmək və yaşayışını bunlara uyğun hala gətirmək lazımdır.

Bu gecə Rəsulullahın (sallallahu əleyhi və səlləm) atasının evləndiyi gecə deyil. Belə söyləmək səhvdir.

Zünnunu Mısri həzrətləri buyurdu ki: "Rəcəb toxum əkmə, Şaban sulama, Ramazan isə biçmə ayıdır."

Hədisi-şəriflərdə buyuruldu ki:

"Rəcəb, Allahu təalanın ayıdır. Rəcəb ayına ikram edənə, hörmət göstərənə, Allahu təala, dünyada və axirətdə ikram edər".
"Rəcəb ayının ilk Cümə gecəsini canlandırana (hörmət göstərənə) Allahu təala qəbir əzabı etməz. Dualarını qəbul edər. Tək, 7 şəxsi bağışlamaz və dualarını qəbul etməz: Faiz alan və ya verən, Müsəlmanları alçaq görən, anasına, atasına əziyyət edən, qarşı gələn övlad, Müsəlman olan və dinin əmrlərinə tabe olan ərini dinləməyən qadın, mahnı və müğənniliyi sənət edənlər, livata və zina edənlər, beş vaxt namazı qılmayanlar".

(Bu şəxslər bu günahlardan imtina etmədikcə, tövbə etmədikcə, duaları qəbul olmaz. Ananın, atanın, ərin, heç kimin dinə zidd olan əmrlərinə tabe olunmaz)