SÖHBƏT - DOĞRU ETİQAD (1)

Hədisi-şərifdə buyuruldu ki:

"Ümmətim 73 firqəyə ayrılar, 72-si Cəhənnəmə gedər, tək bir firqəsi xilas olar. Bu firqə mənim və Əshabımın yolundan gedənlərdir."

O halda Cəhənnəmdən xilas olmaq üçün hər Müsəlmanın ilk əvvəl doğru etiqadı öyrənib inanması, daha sonra da dinimizin əmr və qadağanlarına riayət etməsi lazımdır.

Doğru (əhli-sünnət) etiqaddan bəziləri:

• Qurani-kərimin Kəlami-ilahi olub, məxluq (varlıq) olmadığına inanmaq.
• Əshabi-kiramın hamısını sevmək və heç birini pisləməmək.
• Cənnətdə Allahu təalanın görüləcəyinə inanmaq.
• Əhli-Qibləni təkfir etməmək. Yəni, namaz qılan Müsəlmana işlədiyi günahlarından ötəri kafir deməmək.
• İbadətin imandan parça olmadığına inanmaq.
• İmanın artıb azalmayacağına inanmaq.
• Öz imanından şübhə etməmək.
• Yaxşılıq və pisliyin, xeyrin və şərin Allahu təalanın təqdiri ilə olduğuna inanmaq.
• Meracın ruh və bədən ilə birlikdə olduğuna inanmaq.
• Təsəvvüfü inkar etməmək.
• Ənbiyanın möcüzəsinə, övliyanın kəramətinə inanmaq.
• Bu gün üçün 4 haqq məzhəbdən birinə tabe olmaq, məzhəbsiz olmamaq.