SÖHBƏT - QUMAR VƏ OYUNLAR

Sual: "Qumarın haram qılınma səbəbi, insanı namazdan ayırması və insanları bir-birinə düşmən etməsidir. Bunun üçün də qumar sayılsa da, hər növ lotereya haram deyil, məkruhdur" deyənlər olur. Namaza mane olmazsa, kimsəni düşmən etməzsə qumar halal olur?

CAVAB: Lotereya qumardır. Qumar isə qəti olaraq haramdır. İki ayəti-kərimə məali: "Ey iman edənlər, hamr [spirtli içki], qumar, bütlər və fal oxları şübhəsiz şeytan işi olan pisliklərdir, bunlardan çəkinin ki, səadətə çatasınız." [Maidə 90]. "Şeytan, hamr və qumarla aranıza düşmənçilik və kin salmaq istəyər. Sizi, Allahı zikrdən və namazdan ayırmaq istəyər. Siz [zərərləri bilinərkən] bunlardan hələ çəkinmirsiniz?" [Maidə 91]. İkinci ayəti-kərimədə içki və qumarın zərərlərindən tək ikisi bildirilir. "Şeytan, bunlarla aranıza düşmənlik və kin soxmaq, Allahı zikrdən və namazdan ayırmaq istəyər", deyilir. Elə deyənlərin fasid müqayisələrinə görə, namazdan ayırmazsa, kimsəni bir-birinə düşmən etməzsə, içki də halal olar. Halbuki bir kimsə evində bir qurtum şərab içsə, yəni içdiyi içki namaza mane olmasa və kimsəyə zərəri toxunmasa da, yenə haramdır, böyük günahdır.
Müasir dövrümüzdə müxtəlif içkilərə halal deyənlər olduğu kimi, qumar olan lotereyaya da halal deyənlər çıxa bilər. Spirtli olan hər içki və lotereyanın hər növü haramdır.

Rəsulullah (sallallahu aleyhi və səlləm) içkini, qumarı və çalğını qadağan etdi. (Əbu Davud)

İbni Abidin həzrətləri buyurur ki: Qumar sözü, qamr kəliməsindən gəlir. Qumarçılardan hər birinin malının çoxalma və azalma ehtimalı vardır. Yalnız birinin malının çoxalması, yalnız o birinin azalma ehtimalı varsa, qumar olmaz. (S.Əbədiyyə)

Bir neçə adam, aralarında pul, mal yığaraq lotereya çəkib, isabət etməyənlərin, isabət edənlərə mal, pul vermələrini razılaşması qumardır. (Məcəllə 2169)

Qumarın haram olması üçün namaza mane olması, düşmənçiliyə səbəb olması kimi bir şərt yoxdur. Düşmənliyə səbəb olsa da, olmasa da, lotereya qumardır, hər qumar haramdır.