SÖHBƏT - QURANİ-KƏRİM

Qurani-kərim nəzmi-ilahidir. Kəlimələri yan-yana düzən Allahu təaladır. Allahu təala tərəfindən düzülmüş olaraq ayələr halına gəlmişdir. Cəbrayıl əleyhissəlam bu ayələri bu kəlmələrlə və bu hərflərlə oxumuş, Muhamməd əleyhissəlam da eşidərək əzbərləmiş və dərhal Əshabına oxumuşdur. Allahu təala Qurani-kərimi hərf və kəlimə olaraq Qureşy lüğəti ilə göndərdi. Bu hərflər məxluqdur. Bu hərf və kəlmələrin mənası kəlamı-ilahini daşıyır. Bu hərflərə, kəlmələrə və kəlamı-ilahini göstərən mənalara Quran deyilir. Kəlamı-ilahi olan Quran məxluq deyildir. Allahu təalanın digər sifətləri (xüsusiyyət) kimi əzəli və əbədidir.

Qurani-kəriminin enməsi 23 il sürmüşdür. Tövrat, İncil və digər ilahi kitablar isə hamısı birdən, bir dəfədə enmişdi. Hamısı insan sözünə bənzəyir və ləfzləri də möcüzə deyildi. Onun üçün tez pozulub dəyişdirildi. Qurani-kərim isə Muhamməd əleyhissəlamın möcüzələrinin ən böyüyü olub insan sözünə bənzəməz.

Cəbrayıl əleyhissalam hər il bir dəfə gəlib o vaxta qədər enmiş olan Qurani-kərimi Lövh-il-məhfuzdakı sırasına görə oxuyar, Peyğəmbər əfəndimiz dinləyər və təkrar edərdi. Axirətə təşrif edəcəyi il iki dəfə gəlib hamısını oxudular. Muhamməd əleyhissəlam və Əshabi-kiramdan çoxu Qurani-kərimi tamamilə əzbərləmişdi. Muhamməd əleyhissəlam axirətə təşrif etdiyi il xəlifə Həzrəti Əbu Bəkir əzbər bilənləri yığıb və yazılı olanları gətirib bir heyətə bütün Qurani-kərimi kağız üzərinə yazdırdı. Beləcə, "Mushaf" deyilən bir kitab meydana gəldi. 33 000 Səhabə bu Mushafın hər tərəfinin tam yerində olduğuna söz birliyi ilə qərar verdi. Həzrəti Osman 6 ədəd daha Mushaf yazdırıb Bəhreyn, Şam, Misir, Bağdad, Yəmən, Məkkə və Mədinəyə verdi. Bu gün bütün dünyada olan mushaflar hamısı bu yeddisindən yazılıb çoxalmışdır. Aralarında bir nöqtə fərqi belə yoxdur.