SÖHBƏT - RAMAZAN AYI YAXINLAŞIR

Yaxınlaşmaqda olan mübarək Ramazan ayına hörmət etmək lazımdır. Hörmət etmək üçün də Allahü təalanın əmrlərini yerinə yetirməli, qadağalarından çəkinməlidir. Oruc tutub qeybət edən, yalan danışan, qəlb qıran, haramlardan qaçmayan Ramazan ayına hörmət etməmiş olur. Hədisi-şəriflərdə buyuruldu ki:

“Diqqətli olun! Ramazan ayındakı savab və günahlar misli ilə yazılır. Ramazanda çox namaz qılın! Çox Quranı-kərim oxuyun! Çünki Ramazan ayında oxunan Quranı-kərimin hər hərfi üçün Cənabı Haqq Cənnət bağçalarından bir bağça ehsan edər.”

“Ramazana çox hörmət edilməlidir. Onun rəhməti möminləri sevindiricidir. O, elə bir aydır ki, ilk günləri rəhmət, ortası bağışlama və sonu Cəhənnəm atəşindən qurtulmaqdır. ”

“Əgər qullar Ramazanı-şərif ayındakı fəzilət və ehsanları bilsəydilər, bütün ilin Ramazan olmasını istəyərdilər. Çünki bunda çox savab vardır.”

“Ramazan ayında bir günah işləyən iki əzaba layiq olur. Ramazan ayında bir yaxşılıq edən də iki savaba qovuşur.”

“Ramazan ayının gündüz və gecəsində Quranı-kərimdən bir ayıt oxuyana hər hərfi üçün bir şəhid savabı verilir. ”

“Allahü təala Ramazan ayında günah işləməyi tərk edənin 11 aylıq günahını bağışlayar.”

“Ramazan bayramı günü mələklər yolların kənarında duraraq bayram namazına gedənlərə bu müjdəni verirlər: Ey möminlər! Sizə mükafatlar, xeyirlər və bol-bol nemətlər verəcək olan kərəm və ehsan sahibi Rəbbinizdən istəyin! Çünki O, sizə gecələri əhya etməyi əmr etdi siz də yerinə yetirdiniz. O, sizə gündüz oruc tutmağı əmr etdi, siz də tutdunuz. O, sizə Rəbbinizə itaət etmənizi əmr etdi, siz də itaət etdiniz. Elə isə bəxşişinizi, mükafatınızı alın! Namazdan sonra bir mələk də belə nida edər: Bilin ki, ey möminlər. Bu gün şübhəsiz mükafat günüdür, günahlardan qurtuluş günüdür və ayıblardan təmizlənmə günüdür.”