MƏNQİBƏ - BİR ALMA VƏ İMAM ƏZAMIN ATASI (2)

Bağça sahibi gəncin bu halını görüncə təqva və vərasının doğru olub olmadığını öyrənmək üçün belə dedi:

- Yediyin alma üçün nə verəcəksən?
- Qızıl, gümüş, nəyim olsa verərəm.
- Mən qızıl, gümüş istəmirəm amma, əgər qiyamətdə səndən şikayətçi olmağımı istəmirsənsə, bir təklifim var, onu qəbul etməlisən.
- Təklifin nədir?
- Edəcəksənsə söyləyim...
- İslamiyyətə uyğunsa edə bilərəm.
- Kor, kar, dilsiz və iflic bir qızım var, bununla evlənməyə razı olsan o zaman almanı sənə halal edə bilərəm.
Sabit həzrətləri axirətə qul haqqıyla getməmək üçün bu təklifi qəbul etdi. Toy hazırlığı edildi. Sabit həzrətlərinin ilk gecə otağa girməsiylə çıxması bir oldu. Dərhal qayınatasına qaçıb, "Bəy, bir səhvlik var deyəsən, içəridə sizin bəhs etdiyiniz xüsusiyyətlərdə bir qız yoxdur, tam tərsinədir!" Qayınatası təbəssüm edərək, "Övladım o mənim qızımdır, sənin də halalındır. Mən sənə kor dedimsə, o heç haram görməmişdir. Kar dedimsə, o heç haram eşitməmişdir. Dilsiz dedimsə, o heç haram danışmamışdır. İflic dedimsə, o heç harama getməmişdir. Get halalının yanına, Allahu təala mübarək və məsud etsin."

Elə bu evlilikdən, yəni belə ana atadan İmam Əzam Əbu Hənifə həzrətləri dünyaya gəldi.