Ehtiyacı olan əşyadan, borclardan artıq olaraq zəkat nisabı qədər malı və pulu olan hər müsəlmanın Ramazan ayında bayram namazına qədər fitrə verməsi vacibdir. Səfərdə olanın da fitrə verməsi lazımdır.

Ehtiyac əşyası demək qiyməti nə qədər çox olursa olsun bir ev, bir aylıq yemək, hər il üç qat paltar, evdə istifadə olunan əşya və alətlər, minik vasitələri, peşə kitabları və ödəyəcəyi borclardır. Ticarət üçün olmayan ehtiyacından artıq olan əşya, kirayədəki evlər, evindəki bəzək əşyası, sənət və ticarət alətləri, yerə sərili olmayan xalçalar, istifadə edilməyən artıq ev əşyası qurban və fitrə üçün nisab hesabına qatılır.

Fitrə olaraq 1750 qram buğda və buğda unu, 3,5 kilo arpa, xurma və ya quru üzüm verilir. Bunların qiyməti qədər qızıl və gümüş də verilə bilər.

Şakiki Bəlhi həzrətləri bir qıtlıq ilində hər kəsin qəmgin olduğu bir mühitdə, zəngin bir adamın köləsinin sevincdən oynadığını gördü. Ona soruşdu:

- Hər kəs qıtlıqdan, aclıqlan pərişan olduğu halda sən nəyə güvənərək belə oynayırsan?
Kölə cavab verdi:
- Mənim əfəndimin 7 dənə kəndi var, hər ehtiyacımızı əfəndimiz bol-bol təmin edir.
Şakiki Bəlhi həzrətləri qıtlıqla mübarizə aparan tələbələrinə buyurdu ki:
- Özümüzə gələk! Bir kölə əfəndisinin yeddi kəndinə güvənir, özünü əmin hiss edir. Dünyadakı bütün kəndlərin, şəhərlərin sahibi və hər canlının ruzisinə zamin olan Allahu təalaya bu necə təvəkkül ki, hələ biz ruzi narahatlığı içindəyik?