MƏNQİBƏ - BARI ONUNLA BƏRABƏR YANIM

İbrahim əleyhissalamı atəşə atdıqları zaman bütün mələklər, vəhşi heyvanlar və quşlar ağlaşdılar və toplaşıb İbrahim əleyhissəlama bir yardım etməyin çarəsini aradılar.

Bunların arasında zəif bir bülbül balası vardı. Özünü oda atacağı zaman Haqq Təala Cəbrail əleyhissəlama əmr edib buyurdu ki:
- O quşu tut və nə arzu etdiyini soruş.
Cəbrayıl əleyhissalam quşu tutub istədiyini soruşduqda, quş dedi ki:
- Xəlilullahı oda atırlar. Bir halda ki, qurtarmağa gücüm çatmır, bari onunla bərabər mən də yanım.
Haqq təala buyurdu ki:
- O quşun məndən arzusu nədir?
Bülbül belə ərz etdi.
- Mənim dünyada, Haqq təalanın adını zikr etməkdən başqa arzum yoxdur. 1001 adı olduğunu eşitdim. Yüz birini bilirəm. Doqquz yüz ismi-şərifini də bilmək istərdim.
Haqq təala quşun arzunu yerinə yetirdi.
İndi səhralarda fəryad edən bülbül Haqq təalanın adını zikr edir.

Nəmrudun tonqalı İbrahim əleyhissəlama gülüstan olunca, bülbül gəlib gül ağacında nəğmə söyləməyə başladı. O vaxtdan qiyamətə qədər, gül ağacına məhəbbət etdi, aşiq oldu.