Münaqişə heç bir yerdə caiz deyildir. Dostların dostluğunu azaldar, düşmənlərin isə düşmənliyini artırar. Hədisi-şəriflərdə buyuruldu ki:

"Haqlı ikən, münaqişəni tərk edənə Cənnətin ortasında bir saray verilər."
"Haqlı da olsa münaqişəni tərk etməyən, həqiqi imana qovuşa bilməz."
Hirslənmək də yaxşı deyildir. Əmirin hirslənməsi isə daha pisdir. Hədisi-şəriflərdə buyuruldu ki:
"Sultan hirslənəndə şeytan ona müsəllət olar."
"Hirslənən istədiyini etməyə gücü çatdığı halda mülayim davranarsa, Allahu təala da onun qəlbini əmniyyət və iman ilə doldurar."
"Hirs şeytanın vəsvəsəsindən hasil olar."

Hirs kibrdən doğar. Hirslənənin Peyğəmbər əfəndimizin bildirdiyi "Allahümmagfir li-zənbi və əzhib qayza qəlbi və əcirni minəşşeytan" duasını oxuması lazımdır!

Allahu təala vardır, birdir, əvvəli və axırı yoxdur. Kainatda heç bir şey yox ikən O var idi. Onu kimsə yaratmadı, yaradıcısı tək Odur. Allahın sonu yoxdur. Hər şey son olacaq, fəqət O, həmişə baqi qalacaqdır. Doğmamış və doğulmamışdır. Bənzəri və ortağı yoxdur. Heç bir şeyə bənzəməz. Bütün varlıqların yaradıcısı və mütləq sahibidir. Hər şeyi tam mənasıyla bilər, görər və eşidər. İnsanın içindən keçəni də bilər.

Qüdrəti hər şeyə yetər. Allahu təala yaratdıqlarına bənzəməz, şəkli yoxdur. İnsanın ağılına gələn heç bir şeyə bənzəməz. Kainatda nə varsa hamısı fanidir, yox olacaqdır. Yalnız Allahu təala baqidir.