SÖHBƏT - XARİCİ DÖVLƏTDƏ YAŞAMAQ

Bir hədisi-şərifdə buyuruldu ki:

"Allahu təala, təvazö üzrə olmağı mənə əmr etdi. Heç biriniz, heç bir kimsəyə təkəbbür etməsin, böyüklənməsin."

Zimmi deyilən Müsəlman olmayan vətəndaşlara və turistlərə də kibrlənməmək lazım olduğu hədisi-şərifdən aydın olur. Hər insana təvazökar olmaq lazım ikən, onlara xəyanət etmək, incitmək heç caiz deyildir.

Xarici məmləkətlərdə olan Müsəlmanlar üçün, onların mallarına, canlarına, namuslarına hücum etmək, orada da oğurluq, soyğunçuluq etmək, can incitmək, kafirlərin də qanunlarına qarşı qoymaq, idarəçilərini təhqir etmək, narahatlıq, qarışıqlıq çıxarmaq, vergi qaçaqçılığı etmək, nəqliyyat vasitələrinin ödənişlərini ödəməmək və İslamın şərəfinə və gözəl əxlaqına yaraşmayan hər hansı bir çirkin hərəkətdə olmaq caiz deyildir.

Dövlətə, qanunlara qarşı gəlmək harada olursa olsun fitnə çıxmasına səbəb olur. Fitnəyə səbəb olmaq haramdır.

Bir kimsə İslam məmləkətində və ya Avropa kimi məmləkətlərdə Peyğəmbərimizin və İslam alimlərinin açıqlamalarına riayət etməyərək, kafirlərə qarşı da tərbiyəsizlik, ədəbsizlik, azğınlıq edərsə, onların idarələrinə, prinsiplərinə qarşı gələrək cinayət işləyərsə, günah işləmiş olacağı kimi, İslamiyyəti və Müsəlmanları da bütün dünyaya qarşı pis, xoşagəlməz və barbar olaraq tanıtmış olur. Beləcə də İslamiyyətə böyük xəyanət etmiş olur.