ÖVLADIN GÜNAHLARI VƏ SAVABLARI

Sual: Həddi-buluğa çatmamış müsəlmanın uşağı günah işləsə, günah yazılarmı? Yaxud küfrə salan ifadələr işlətsə kafir olarmı?
CAVAB

Həddi-buluğa çatmamış uşaq hələ mükəlləf deyildir. Günah yazılmaz. Küfr söz söyləməklə kafir olmaz. Ata-anası günah, küfr olan şeyləri etdirməməlidir. Onlara günah olar.

Yaxşı övladın faydası

Sual: Övladın etdiyi yaxşılıqların kafir olaraq ölmüş ata-anasına da faydası olarmı?

CAVAB
Bəli, faydası olar. İki hədisi-şərif belədir:
"Quran oxuyanın ata-anası kafir olsa da əzabları yüngülləyər." [Tənbihül-qafilin]

"Bəsmələ yazılı bir kağızı əzilməsin deyə hörmətlə yerdən qaldıran siddiqlərdən yazılır. Ata-anası kafir olsa da əzabları yüngülləşər." [İ. Süyuti]

SÖHBƏT BƏSMƏLƏNİN FƏZİLƏTİ (1)

İlk yazılan Bəsmələdir. Adəm əleyhissalama ilk gələn Bəsmələdir. Möminlər Bəsmələ köməyi ilə Sırattan keçər. Cənnət dəvətnaməsinin imzası Bəsmələdir. Peyğəmbər əfəndimiz, "Müəllim uşağa Bəsmələ oxutsa, uşaq da söyləyincə, Allahu təala uşağın, anasının, atasının, müəlliminin Cəhənnəmə girməməsi üçün sənəd yazdırar" buyurdu.

Əuzü oxumaq, "Əuzü billah minəş-şeytanirracim"; bəsmələ oxumaq isə, "Bismilləhir-rahmənir-rahim" deməkdir.
Hədisi-şərifdə, "Qurani-Kərimə hörmət göstərmək, Əuzü oxuyaraq başlamaqla olar və Qurani Kərimin açarı Bəsmələdir" buyuruldu. Surə oxuyarkən Əuzü Bəsmələ oxunar. Ayəti-kərimə oxuyarkən alimlərin çoxuna görə tək Əuzü oxunar. Surə və ya ayə oxumağa başlarkən Əuzü oxumaq vacib, Fatihə oxumağa başlayarkən Bəsmələ oxumaq da vacibdir. Digər surələrə başlayarkən Bəsmələ oxumaq sünnətdir.

(davamı sabah)