SÖHBƏT - İSLAM ƏXLAQI

İnsana dünyada və axirətdə zərər verən hər şey pis əxlaqdan meydana gəlmişdir. Yəni, zərərlərin, yamanlıqların başı pis əxlaqlı olmaqdır. Haramlardan (yamanlıqlardan) çəkinməyə təqva deyilir. Təqva, ibadətlərin ən qiymətlisidir. Çünki bir şeyi bəzəmək üçün ilk əvvəl pislikləri, yamanlıqları yox etmək lazımdır. Bunun üçün günahlardan təmizlənmədikcə yaxşılıqların, ibadətlərin faydası olmaz. Heç birinə savab verilməz. Pisliklərin ən pisi küfrdür. Kafirin (Allaha düşmən olanın) heç bir yaxşılığı, xeyratı, həsənatı, axirətdə faydalı olmaz. (Zülm ilə öldürülən kafir şəhid olmaz) İmanı olmayanın heç bir yaxşılığına savab verilməz. Bütün yaxşılıqların təməli təqvadır. Hər şeydən əvvəl təqva sahibi olmağa çalışmaq lazımdır. Hər kəsə təqva sahibi olmağı əmr və nəsihət etməliyik. Dünyada rahata, huzura qovuşmaq, sevişmək, qardaşcasına yaşaya bilmək, axirətdə də sonsuz əzabdan xilas olaraq əbədi nemətlərə, səadətlərə qovuşmaq, ancaq təqva ilə nəsib olar.

Pis əxlaq isə qəlbi xəstə edər. Bu xəstəliyin artması, qəlbin ölümünə (yəni küfrə) səbəb olar. Pis əxlaqın ən pisi şirk (Allaha şərik qoşmaq), yəni, küfr isə qəlbin ən böyük zəhəridir. İmanı olmayanın “qəlbim təmizdir, sən qəlbimə bax” kimi sözləri boş sözlərdir. Ölmüş olan qəlb təmiz ola bilməz.