SAĞLAMLIQ - SİQARETİN ZİYANI

Artıq hamı siqaretin nə qədər zərərli olduğunu bilir. Tütünün ziyanlı olduğunu eşitməyən , bilməyən qalmadı. Ancaq, siqaretin zərərləri bununla qurtarmır, hər çeşid ürək və ağciyər xəstəliyinə yol açır, damar tıxanıqlığı iflicə qədər apara bilir.

İlk nəfəs... və sonrası. .

Siqaret çəkdiyiniz anda, orqanizmimizə təsir etməyə başlayır. Nəbziniz yüksəlir, daha surətli nəfəs alıb verməyə başlayırsınız. Qan dövranınız yavaşlayır. Siqaretin içində təxminən 3.700 zəhərli maddə vardır. Bunların böyük bir miqdarı kanserogen maddələrdir. Ən zərərliləri də karbon monoksi (CO), hidrogen siyanid (HCn) və ammonyakdır (NH4) və bu zəhərli kimyəvi maddələr, bir nəfəs siqaretlə qan dövranımıza qarışır. Bunun nəticəsində, astma, ciyər yanğısı, döş qəfəsində ağrılar başlar. Daha tez-tez nəbzli, qrip və soyuqdəymə keçirməyə başlarsınız. .

Hər 13 saniyədə bir insan, siqaretə bağlı bir xəstəlikdən həyatını itirməkdədir. Hər il dünyada 2.500.000 insan siqaret üzündən həyatını itirməkdədir. Bu ölümlərin əsas səbəbi ağciyər xərçəngidir, ikinci əhəmiyyətli səbəb ürək xəstəlikləri və digər xərçəng növləridir.

İnsan vücudunda, heç bir üzv və orqan yoxdur ki, siqaretdə olan kimyəvi maddələrdən payını almasın. Siqaret çəkəndə ağız xərçənginin yaxalanma riski çox yüksəkdir. Bundan başqa tütün dumanı diş əti xəstəliklərinə yol açır, diş çürüməsinə və nəfəsinizdən pis iy gəlməsinə səbəb olur. Beyinə gedən oksigendə azalma olur, bu da beyin damarlarının daralmasına səbəb olur. Bu vəziyyət insanı iflicə qədər aparıb çıxara bilər.