YAXŞI YOLDAŞ SEÇMƏK

Sual: İnsanın ən böyük düşməni kimdir?

CAVAB
Müsəlmanın ən böyük üç düşməni vardır: Şeytan, nəfs və pis yoldaş. Pis yoldaş şeytandan və nəfsdən daha zərərlidir. Bir hədisi-şərif məali:

"İnsanın dini yoldaşının dini kimidir. Kiminlə dostluq etdiyinizə diqqət edin!" [Hakim]
Şeytan və nəfsimiz pis yoldaş vasitəsiylə bizi fəlakətlərə sürükləyər. Pis yoldaşdan ilandan, aslandan qaçar kimi qaçmaq lazımdır. İki hədisi-şərif məali belədir:
"Gözləri üstümdə olan, məni həmişə müşahidə edən, yaxşılığımı görəndə ört-basdır edən, bir pisliyimi gördüyündə isə bunu ətrafa yayan pis dostdan sənə sığınıram ya Rəbbi!" [İ.Nəccar]
"Pis yoldaş dəmirçi körüyü kimidir. Üfləyəndə od qığılcımları səni yandırmasa da qoxusu səni narahat edər." [Buxari]
Yaxşı yoldaş kimdir? Bir neçə hədisi-şərif məali:
"Ən yaxşı yoldaş, Allahı andığında kömək edən, unutduğunda sənə xatırladandır." [Hakim]
"Ən yaxşı yoldaş sözləri ilə elminizi artıran, əməli də axirəti xatırladandır." [Hakim]
"Yaxşı yoldaş gözəl ətir satan kimidir. Sənə ətir vurmasa da yanında olduğun müddətdə gözəl qoxusundan faydalanarsan." [Müslim]

Yaxşı yoldaşlar axtarmaq lazımdır, tapınca da onlara xidmət etməyi böyük nemət bilmək lazımdır. Elmindən, yaxşı yoldaşından istifadə edilən saleh bir yoldaşa lüzumlu hörməti göstərmək lazımdır! Onun can və malını, öz can və malından əvvəl tutmaq lazımdır! Ayıblarını araşdırmamaq, ayıbı olsa belə görməmək və kimsəyə söyləməmək, hətta onun ayıbını düşünməmək, unutmaq lazımdır! Sözünə etiraz etməmək, əsla münaqişəyə girməmək lazımdır! Əleyhinə danışan olarsa, uyğun şəkildə susdurmaq, alınacağı və ya kədərlənəcəyi bir söz söyləməmək lazımdır! Sui-zənndə olmamalı, uyğun olmayan hərəkətlərini dalğınlığa və ya unutqanlığa yozmaq lazımdır! Yəni, bir bəhanə axtarıb günahsız olduğunu qəbul etmək lazımdır, çünki gözəl əxlaq sahibi insanları üzrlü görər, onların qüsurlarını meydana çıxarmaz.