Kişi olsun, qadın olsun dünya işləri üçün möminin möminə inciməsi, onunla görüşməyi tərk etməsi, aradakı bağlılığı kəsməsi caiz deyildir.

Hədisi-şərifdə buyuruldu ki:

"Möminin möminə üç gündən çox inciməsi halal olmaz. Üç gecədən sonra gedib salam verməsi vacib olar. Salamına cavab verərsə savabda ortaq olarlar. Cavab verməzsə günah o birisinə olar."

Üç gündən əvvəl barışmaq daha yaxşıdır. Günah üç gün keçincə başlayar və barışana qədər davam edər.
Günah işləyənə incimək günah olmaz.

Dinimizdə Qurani-Kərimdən sonra ən qiymətli kitab Səhih Buharidir. İmam Buxari həzrətləri çox ciddi davranar, bir hədis səhih belə olsa, ən kiçik bir şübhə olsa, onu kitabına yazmazdı. Ona bir çox səhabə ilə görüşdüyü bilinən bir şəxsdən danışıldı. Hər vaxt etdiyi kimi uzun bir yol qət edərək bəhs edilən şəxsi tapdı. Həmin adamın dəvəsini boş torba ilə aldadaraq tutmağa çalışdığına şahid oldu və heç bir şey soruşmadan geri döndü. Nə üçün hədis almadın soruşanlara, "Doğru söyləsə belə, dəvəsini aldatmağa çalışan adamın nəql etdiyi hədisi kitabıma almaram" dedi.