SÖHBƏT - DÖRD QRUP İNSAN

Dinimizdə niyyətin əhəmiyyəti çox böyükdür. Hədisi-şərifdə buyuruldu ki:

"Allahu təala sizin surətlərinizə, mallarınıza baxmaz. Qəlblərinizə və əməllərinizə baxar." Yəni, Allahu təala insanın yeni, təmiz paltarına, xeyir və həsənətinə, malına, rütbəsinə baxaraq savab və ikram etməz. Bunları nə düşüncə ilə, nə niyyət ilə etdiyinə baxaraq savab və ya əzab verər.

Başqa bir hədisi-şərifdə də buyuruldu ki:
"İnsanlar dörd qrupdur:

1- Elmi və malı vardır. Halaldan qazanar, halal yerlərə xərcləyər.
2- "Mənim də malım və elmim olsaydı, bunun kimi edərdim." deyər.
Bu ilk ikisi, mükafatda bərabərdir.
3- Elmi yox, fəqət malı çox. Cahilliyi səbəbiylə malını xərcləyərkən harama və halala diqqət etməz.
4- "Mənim də malım olsaydı, bunun kimi edərdim." deyər.

Bu son ikisi də günahda bərabərdir."