MƏNQİBƏ - DÖRD QUŞ DÖRD ARZU

Bir gün İbrahim əleyhissalam iylənmiş, parçalanmış bir cəsəd görüb Allahu təalaya deyər ki:

- Ya Rəbbi, parçalanmış bu cəsədi əlbəttə dirildərsən. Bunun necə dirildildiyini mənə göstər ki, gözümlə görüb qəlbim əmin olsun!
Cənabı Haqq buyurdu ki:
- Dörd ayrı cins quş tap və hamısını kəs! Hər quşu yeddi parçaya böl, hər birindən bir parça al, yeddi dağın üzərinə qoy! Dörd quşun başlarını əlində tut! Sonra, "Allahın izni ilə gəlin!" de!
İbrahim əleyhissalam əmr ediləni eynilə etdi. Havada dörd dənə başsız quş cəsədi meydana gəldi. Sonra hər biri gəlib öz başıyla birləşdi.

Bu quşlar, tovuz, xoruz, göyərçin və qarğa idi.
Tovuz zinəti, bəzəyi təmsil edər.
Nəfs tovuzunun başını qoparan gözlərini dünya bəzəklərinə bağlaya bilər.
Xoruz şəhvətə düşkünlük timsalıdır.
Nəfs xoruzunun başını kəsə bilən şəhvətlərin zərərlərindən xilas olar.
Göyərçin həvəslərin simvoludur.
Nəfs göyərçininin başını kəsə bilən həva və həvəslərinə tabe olmaqdan xilas olar.
Qarğa ehtiras işarəsidir. Nəfs qarğasının başını kəsə bilən ehtiraslarını kəsər.
Nəfsinin bu dörd xasiyyətini tərbiyə edən kimsə sonsuz qurtuluşa qovuşar.