SÖHBƏT - NƏZƏR HAQDIR

Sual: "Görülməyən şeylərə, məsələn nəzərə inanmaq səhvdir. Yalnız, sevgisiz baxan bir göz insanı yorar" deyənlər çıxır. Nəzər haqq deyilmi?

CAVAB

Nəzər haqdır. Bəyənərək, qibtə edərək və ya qısqanaraq baxılan şeylərə nəzər dəyər. İnsana, heyvana və hətta cansıza da nəzər dəyər. Nəzər xəstəlik edər, hətta öldürər. Qadınlara və uşaqlara daha çox təsir edər.
Peyğəmbər əfəndimizin zamanında Əsəd oğullarından nəzəri dəyən bir kimsə var idi. Üç gün bir şey yeməz, sonra çadırın bir tərəfini qaldırıb oradan keçən bir dəvəyə baxıb, "Bunun kimi bir dəvə heç görmədim" deyər deməz, dəvə yerə düşər xəstələnərdi. Müşriklər bu adamı tapıb Peyğəmbər əfəndimizi nəzərlə öldürməsini istədilər. Cənabı Haqq da Rəsulullahı bunun nəzərindən qorumuşdur. Bu barədə Qələm surəsinin "Az qala kafirlər səni gözləri ilə yıxacaqdılar" məalindəki 51-ci ayəsi enmişdir. Bir neçə hədisi-şərif məalı belədir:

"Nəzər haqqdır." [Müslim]
"Nəzər insanı məzara, dəvəni qazana salar." [İbni Adiy]
"İnsanların yarısı nəzərdən ölər." [Tabərani]
"Xoşuna gələn bir şeyi görüncə, "Maşaallah la quvvətə illa billah" deyilərsə o şeyə nəzər dəyməz." [Beyhəqı, İbni Sünni]
"Nəzər az qala qədəri keçəcəkdi. Nəzərdən Allahu təalaya sığının." [Deyləmi]
"Qədəri keçəcək bir şey olsaydı nəzər keçərdi." [Müslim]

Görülməyən şeylərə yox demək bu günki elmə də ziddir. İndiki vaxtda alətlərdən çıxan şüalar hər kəsə məlumdur. Məsələn, TV-i işlədən, kanallarını dəyişdirən və ya avtomobilləri açan idarə edənlər vardır. Onlardan çıxan şüalar iş görür. Lazer deyilən şüalarla əməliyyatlar edilir. Bunlar kimi gözdən çıxan və mahiyyəti tam açıqlanmayan şüalardan da nəzər dəyərək baxılan şey zərər görə bilər. Görə bilmədiyimiz şeylərə yox demək isə çox cahilcə bir sözdür.