Sərinlik verir. Keçi əti ilə təzə meyvələr, turşulu və s. yemək məsləhət görülmür. Altı aylıq çəpiş əti bədənə rütubət verir, lətifdir və qan təzyiqini yatırır. Keçi piyi sürtmək ağrıları sakitləşdirir, soyuqdəymə hallarında çox təsirlidir. Onun böyrəyini ortadan bölüb içinə kükürd tozu səpir, sonra yenə qatlayıb kabab bişirir və suyunu dəridəki çilləri təmizləmək üçün istifadə edirlər. Dörd illik təkəni üzüm yetişən zaman kəsir, ilk və sonuncu qanını axıdır, orta qanını daşdan hazırlanmış qaba tökürlər. Laxtalanıb bərkidikdən sonra onu xırda-xırda doğrayıb xəlbir və ya saman üzərində kölgə yerdə qurudurlar. Buna "yətulla" deyirlər. Bu vasitə böyrək və sidik kisəsi daşının tökülməsində çox təsirlidir. Çəpiş kəlləsinin dərisini soyan kimi isti-isti başa bələmək əsəb pozğunluğu və zehni qarışıqlıq hallarında çox faydalı hesab olunur.

Səhrada yaşayan bir bədəvinin bir xoruzu, bir iti və bir də uzunqulağı vardı. Xoruz səhərlər banlayar, onları namaza oyandırardı. Bir gün tülkü xoruzu apardı. Ailə kədərləndi. Bədəvi haqqımızda bəlkə bu xeyirlidir deyərək onları təsəlli etdi. Bir qurd yüklərini daşıyan eşşəyini parçaladı. Bədəvi, kədərlənən ailəsini yenə, bəlkə haqqımızda xeyirlisi budur deyərək təsəlli etdi. Bir müddət sonra onlara gözətçilik edən itləri də öldü. Bədəvi yenə ailəsini təsəlli etdi.

Bir səhər gördülər ki, irəlidəki bir neçə çadırda yaşayanlar əsir alınaraq aparılmış. Heyvanlarının səsləri, uzunqulağın anqırması, xoruz banlaması və it hürməsi çadırda yaşayanların yerlərini müəyyən etmiş. Bədəvinin heyvanları olmadığı üçün onların varlığından xəbərdar ola bilməmişlər.