ABDULLAH İBN ƏBİ BƏKİR SİDDİQ (1)

Həzrəti Əbu Bəkirin oğlu.

Zəki və qabiliyyətli bir gənc olduğu üçün atasının əmrlərini hərfiyən yerinə yetirərdi. Gündüzləri Məkkədə Qureyşlilər arasında olub, onların Peyğəmbərimiz və Həzrəti Əbu Bəkir haqqında söylədiklərini axşam vaxtı Sevr Mağarasına gələrək xəbər verərdi. Gecəni orada keçirib dan yeri ağarmadan Məkkəyə qayıdardı. Bu xidməti onun adını İslam tarixinə keçirdi.
Mühasirədə yaralandı

Həzrəti Abdullah ibn Əbi Bəkir Siddiq hicrəti-Nəbəvidən sonra Məkkədən Mədinəyə gəldi. Rəsulullah ilə hicrətin 8-ci ilində Məkkənin fəthində iştirak etdi. Atiqə binti Zeyd ibn Amr ilə evləndi. Məkkənin fəthindən sonra Huneyn döyüşünə qatıldı. Huneyndən qaçan Sakif və Həvazinlilərin toplanmalarına mane olmaq üçün onların sığınıb saxlandıqları Taif Qalasını mühasirə etdi. Mühasirədə ox dəyib yaralandı. Mədinəyə yaralı olaraq qayıtdı.

Həzrəti Abdullah ibn Əbi Bəkri Siddiq, Peyğəmbər əfəndimiz üçün hazırlanan paltarı yeddi qızıla satın aldı. Sonra Rəsulullahın təkfininə uyğun görülməyincə təbərrükən özünə kəfən üçün saxlamışdı.

Ruhunu təslim edəcəyi sırada, "Bunda xeyir və bərəkət olsa idi, Rəsulullah əfəndimiz təkfin olunardı" deyib, özünə bunu kəfən etdirmədi.

(davamı sabah)