SÖHBƏT - RƏNGLƏRİN GÖZƏLİ

Sual: Dinimizdə yaşıl rəngə nə üçün çox əhəmiyyət verilir? Türbələri niyə ümumiyyətlə yaşıla rəngləyirlər?

CAVAB

Yaşıl rəngin dinimizdə mübarək olduğu mötəbər kitablarda bildirilərək, "Rənglərin gözəli yaşıldır" buyurulmuşdur.
Bunu bilən İslam düşmənləri sırf təhqir olsun deyə xaricdəki bəzi rüsvayçılıq yerlərini yaşıl rənglə rəngləmişlər. (İ. Casusunun Etirafları)
İmamı Əli Rza həzrətləri bayrağı və əsgər paltarını qara yerinə yaşıl etmişdi. Abbasilər dövlətinin bayrağı qara idi. Xəlifə Məmun zamanında yaşıla çevrildi. (S. Əbədiyyə)
Mələklərin yaşıl quşlar şəklində görüldüyü çox olmuşdur. (Şəvahid-ün-nübüvvə)
Adəm əleyhissalam Cənnətdə ikən, Əshabı-kiramın hamısının surətlərini başlarında yaşıl başlıqlar, yaşıl taclar, yaşıl silahlar və yaşıl miniklərlə görmüşdür. (Mənakıbı Çihar Yarı Quzin)
İki hədisi-şərif tərcüməsi də belədir:
"Uhud şəhidlərinin ruhları yaşıl quşlarla Cənnətə getmişdir." [Müslim]
"Üç şey, gözə cila verər: Yaşıllığa, axar suya və [halal olan] gözəl üzə baxmaq." [Hakim]

Meşənin, yaşıl sahələrin əhəmiyyətini bilməyən yoxdur. Yaşıllığın faydaları bilindiyi üçün yollarda yaşıl keçid təhlükəsizliyi olaraq göstərilmiş, qırmızı təhlükə olaraq qəbul edilmişdir.

İnsana böyük bir rahatlama verən yaşıl rəngi indiki vaxtda psixoloji seanslarda istifadə edilir. Müalicəyə alınan xəstələr yaşıl rənglə dincliyə qovuşa bilər. Sinir sisteminə və başqa xəstəliklərə də yaxşı olduğu bilinir.