ƏSHABİ KİRAM - CÜVEYRİYYƏ BİNTİ HARİS

Möminlərin analarındandır.

Həzrəti Cüveyriyyə Bəni Mustalaq qəbiləsi rəisi Haris ibn Dırarın qızıdır. Hicrətin beşinci ilində baş tutan Bəni Mustalaq (və ya Müreysi) döyüşündə əsir alınmış, atası da qaçmışdı. Qəbiləsindən də 600 adam əsir düşmüşdü. Əsirlərin arasında olan Cüveyriyyəni qurtarmaq üçün atası Haris çox dəvə gətirmişdi.

İki dəvəni də gətir!

Bunların içində çox yaxşı cins olan iki dəvəni qıya bilməyib şəhər kənarında saxladı. Haris Rəsuli-əkrəmin hüzuruna gəldiyi zaman Rəsulullah əfəndimiz buyurdu ki: Filan yerdə saxladığın iki dəvəni də gətir!

Haris bu vəziyyətə çox mat qalıb dedi ki:
- Şəhadət edirəm ki, Allahdan başqa tapınacaq, qulluq ediləcək haqq bir məbud, ilah yoxdur və sən Onun elçisisən. Allahu təalaya and içərəm ki, Allahdan başqa kimsənin bundan xəbəri yox idi.
Beləcə iki oğlu və qəbiləsindən bir çox insanla bərabər müsəlman oldu. Rəsulullah əfəndimiz dəvələri alıb Harisə qızını geri verdi. Atası, böyük qardaşları və qəbiləsindən bir çox insandan sonra Cüveyriyyə də müsəlman oldu.
Müsəlman olan Cüveyriyyəni Rəsulullah əfəndimiz atasından istəyib özlərinə nikahladılar və 400 dirhəm mehr verdilər.
Əshabi-kiram Rəsulullahın Həzrəti Cüveyriyyəni nikahladığını eşidincə, dedilər ki:
- Biz Rəsulullahın ailəsinin, anamızın qohumlarından xidmətçi, kölə olaraq istifadə etməkdən həya edərik.
Bu hal yüzlərlə əsirin azad olmasına, sərbəst buraxılmasına səbəb oldu. Həzrəti Cüveyriyyə bu halı söyləyərək hər vaxt öyünərdi. Bu cəhəti təqdir edən Həzrəti Aişə demişdir ki:
- Mən Cüveyriyyə qədər öz qövmünə xeyri dəyən qadın görmədim.