MƏNQİBƏ - HAKİM TƏYİN ETMƏK NORMALDIR

Peyğəmbər əfəndimizin vəfatlarından sonra İslam düşmənləri Müsəlmanların arasındakı iman birliyini pozmaq istədi. Abdullah ibni Səbə adlı Yəmənli bir Yəhudi Müsəlmanlar arasında ilk fitnəni çıxartdı. Həzrəti Osmanın şəhid edilməsinə, Cəməl və Sıffin döyüşlərinin meydana gəlməsinə səbəb oldu.

Beləliklə də Həzrəti Əli, Həzrəti Osmandan sonra xəlifə olunca, iki tərəfdən cəmi 70 min adamın şəhid olduğu Sıffin döyüşü sonunda hadisənin həll edilməsi hakimlərə həvalə edilmişdi. Bəzi insanlar hakim hadisəsinə qarşı çıxıb, Həzrəti Əlidən ayrıldı. Bunlara "Xarici" deyildi. Bunlar hər iki tərəfə də pis söz söylədilər. Böyük günah işləyən kafir olar dedilər.

Dövlətə üsyan edən Dahhaq ibn Qays əl-Xarici, silahlı adamları ilə bir gün İmam Əzamın yanına gəlib dedilər ki:
- Hakim hadisəsinin uyğun olduğunu söylədiyin üçün tövbə edirsənmi?
- Siz məni öldürmək üçün gəldiniz, yoxsa haqqın ortaya çıxması üçün?
- Məqsədimiz öldürmək deyil, ayə və hədislərlə haqqın ortaya çıxması üçün gəldik.
- Siz də ayə və hədisdən nəql edəcəksiniz mən də. Lakin kimin haqlı olduğunu necə anlayacağıq? Bir münsifin bizi dinləməsi lazım deyilmi?
- Bəli lazımdır. Məsələn, adamlarımızdan bu şəxs çox elmlidir, bunu hakim təyin edə bilərik.
- Tamam bildirdiyiniz şəxsi hakim təyin edirik, sizin də buna bir etirazınız varmı?
- Xeyr etirazımız yoxdur, biz də bu şəxsin hakimliyini qəbul edirik.

İmamı Əzam həzrətləri son nöqtəni qoyar:
- Mübahisəmiz bitmişdir. Siz də hakim təyin etməyi qəbul etdiyinizə görə məsələ qalmamışdır.
Dahhaq və adamları bu vəziyyət qarşısında donub qalmışlar.