SÖHBƏT - NAMAZ VƏ SAĞLIĞIMIZ

Müsəlman namazı Allahu təalanın əmri olduğu üçün qılar. Rəbbimizin əmrlərində bir çox hikmət və fayda vardır. Qadağalarında da bir çox zərərlərin olduğu şübhəsizdir. Bu fayda və zərərlərin bir qismi bu gün tibb mütəxəssisləri tərəfindən müəyyən edilmişdir. İslamiyyətin sağlamlığa verdiyi önəmi heç bir din və düşüncə verməmişdir. Dinimiz, ibadətlərin ən üstünü olan namazı, ömrümüzün sonuna qədər qılmağı əmr etmişdir. Namaz qılan sağlamlıq üçün olan faydalarına da əlbəttə qovuşar. Namazın sağlamlıq cəhətdən təmin etdiyi faydalarından bəziləri bunlardır.

1- Namazda edilən hərəkətlər yavaş olduğundan qəlbi yormaz və günün müxtəlif saatlarında olduğu üçün insanı dinc saxlayar.
2- Gündə başını 80 dəfə yerə qoyan bir kimsənin beyninə ritmik olaraq çox qan çatar. Buna görə beyin hüceyrələri yaxşı bəsləndiyindən yaddaş zəifliklərə namaz qılanlarda çox daha az rast gəlinir. Bu insanlar daha sağlam bir ömür keçirirlər.
3- Namaz qılanların gözləri müntəzəm olaraq əyilib qalxarkən daha qüvvətli qan dövranına sahib olur. Bu səbəblə göz içi təzyiqində artma olmaz və gözün ön hissəsindəki mayenin davamlı dəyişməsi təmin edilmiş olur. Gözü “katarakt” və “qarasu” xəstəliyindən qoruyar.
4- Namaz qılarkən edilən hərəkətlər mədədəki qidaların yaxşı qarışmasına, ödün asan axmasına, pankreastakı fermentlərin asan boşalmasına köməkçi olduğu kimi, qəbzliyin aradan qaldırılmasında da rolu böyükdür. Böyrəyin və sidik yollarının yaxşıca çalxalanmasından böyrəkdə daş təşəkkülünün önləməsinə köməkçi olmaqdadır.
5- Beş vaxt qılınan namazdakı ritmik hərəkətlər, gündəlik həyatda işlədilməyən əzələ və oynaqları işlədərək artroz və əhənglənmə kimi oynaq xəstəliklərinin və əzələ tutulmalarının qarşısını alar.
6- Dəstəmaz və qüsul həm maddi, həm də mənəvi bir təmizlikdir. Namaz təmizliyin özüdür. İbadətini yerinə yetirən bir kimsə ruhən dincəlmiş və təmizlənmiş olar.
7- Namaz vaxtları qan dövranını təzələmək üçün ən uyğun vaxtlardır.
8- Yuxunu tənzim edən önəmli ünsür namazdır. Hətta bədəndə yığılan statik durğun elektriklənmə, səcdə etməklə torpaqlanmış olur. Beləcə bədən gümrahlığa qovuşur.

Namazın bu faydalarına qovuşmaq üçün namazı vaxtında qılmaqla birlikdə, təmizliyə, çox yeməməyə və yeyilən qidaların təmiz, halal olmasına da çox diqqət edilməsi lazımdır.