RƏVAYƏT - PİSLİK EDƏN ÖZÜNƏ EDƏR (1)

Bir nəfər hökmdara deyər ki:
- Sənə yaxşılıq edənə artıqlamasıyla əvəzini ver, pislik edənə bir şey etmə, onun pisliyi özünə yetər.
Bunu görən birisi, bu şəxsi sevmədiyindən hökmdara deyər ki:
- Bu şəxs mənə sənin nəfəsinin iy verdiyini söylədi.
- Doğrumu söyləyirsən?
- Əlbəttə doğru, yanına yaxınlaşınca ağzını, burnunu tutsa, sözüm doğru çıxacaq.
- Bir təcrübə edək.
Bir gün o adam, o şəxsi yeməyə dəvət edər və sarımsaqlı yemək verər. Sonra da deyər ki:
- Hökmdarı narahat etməmək üçün ona çox yaxınlaşma!
Bu şəxs yenə hökmdarın hüzuruna girər və qarşısında gözləyərkən, hökmdar təcrübə etmək üçün adama deyər ki:
- Yanıma yaxınlaş!
O şəxs də ağzını, burnunu tutaraq hökmdara yaxınlaşar. Hökmdar adamın doğru söylədiyinə inanar və əlinə kağız qələm alıb bir yazı yazıb, o şəxsə deyər ki:
- Bu məktubu filan sərkərdəyə apar!
O şəxs, məktubu alıb çölə çıxınca, ona yemək yedirən adama rast gələr. Deyər ki:
- Əlindəki nədir?
(davamı sabah)