SÖHBƏT - HALINA RAZI OLMAQ

Səhhət, sağlamlıq, zənginlik, zadəganlıq, gözəllik kimi nemətlərə sahib olmaq və bunlardan yaradılma məqsədinə uyğun istifadə etmək çox yaxşıdır. Fəqət, bunlardan məqsədləri xaricində istifadə edilərsə çox pis olar. Bunlar bir bıçaq kimidir. Yaxşı iş də edilər, pis iş də edilər. İnsana verilən nemət çox olanda şükrü o nisbətdə çətinləşər. Rəbbimiz sizə iki göz vermişdir. Kar və lal deyilsiniz. Əliniz, qolunuz sağlam. Ən mühümü də dəli deyilsiniz, ağılınız var. Hamısından daha mühümü də imanınız var. Daha bizim bilmədiyimiz nə nemətlərə sahibsiniz. Qurani-kərimdə məalən buyuruldu ki:

"Allahın nemətlərini sayacaq olsanız, bitirə bilməzsiniz." (Nəhl 18)

Bu qədər nemətlərə görəsən haqqıyla şükr edirikmi? Sizin halınızda olmayan çox insan vardır. Görəsən bu hallarına şükr edirlər? Sizdə isə, başqalarında olan şikəstlik yoxdur. Bunun üçün şükr edirsinizmi? İnsanlar şükür cəhətindən qəflətdədirlər. O nemət getməyəndə qiymətini bilə bilməz. Nemət içində üzən şükrü asan xatırlaya bilməz. Qurani-kərimdə məalən buyuruldu ki: "Qullarım içində haqqıyla şükr edən azdır." (Səba 13)

İnsanlar zəif, aciz yaradıldığı üçün səbiri də, şükrü də azdır. Minlərlə nemətə şükür etməz, fəqət bir bəla gələndə fəryad, fəğan edər. Xəstə olub gecə yata bilməzsə, həmişə Allahı xatırlayar. Fəqət sağlam ikən heç Onu xatırlamaz. Müsəlman Allahu təalanın dostudur. Dostluğun əlaməti dostun bəlalarına səbir etməkdir. Qurani-kərimdə məalən buyurulur ki:

"Kimi müxtəlif nemətə qovuşanda Allahı anmaqdan üz çevirər, (xəstəlik, kasıblıq kimi) bir şər toxunanda da (Allahın rəhmətindən) ümidini kəsər." (İsra 83)

"And olsun ki, sizi bir az qorxu, bir az aclıq, mal, can və məhsulun azalmasıyla imtahan edəcəyik. Ey Həbibim, səbir edənlərə (lütfumu, ehsanımı) müjdələ!" (Bəqərə 155)