Günaha bir tövbə yetər, ibadətə min tövbə bəs etməz. Günah işləyən tövbə etsə Allah bağışlayar. Lakin ibadət edən ucba (özünü bəyənmək), qürura düşə bilər. Buna min tövbə belə çatmaz. Bəni İsraildən bir fasiq vardı. Bir abid də ibadətiylə şöhrət tapmışdı. Fasiq bu abidin yanından keçərkən, "Gedim bu abidin yanına oturum, bəlkə Allahu təala onun hörmətinə məni bağışlayar" deyə düşündü. Gedib abidin yanına oturdu. Abid isə üzərində buludun kölgələndirdiyi bir şəxs olduğu üçün lovğalanıb, "Bu fasiq mənimlə otura bilməz" deyərək ondan üzünü çevirdi. Utanan fasiq də çıxıb getdi. Lakin Abidin üzərindəki bulud fasiqlə birlikdə getdi. Allahu təala zamanın Peyğəmbərinə, "İnsanlara niyyətlərinə görə rəftar edərəm. Fasiqin günahlarını onun bu yaxşı niyyətindən ötəri bağışladım. Abidin ibadətlərini də qüruru səbəbiylə yox etdim" deyə vəhy etdi.

Sual: Anadan gəlmə qaş-qabaqlıyam. Bunun dinən zərəri vardırmı?

CAVAB
Doğuşdan isə günah olmaz, ancaq gülümsəmək insanın əlindədir. İnsan gülümsəyərək bunu düzəldər. Bir Müsəlmana qaş-qabaqla baxmaq haramdır. Qaş-qabaqlı olmaq, sifətini turşutmaq möminin əlaməti deyildir. Möminin əlaməti gülər üzdür, münafiqin əlaməti qaş-qabaqlı olmaqdır. Bir hədisi-şərif belədir:

"Allahu təala Müsəlman qardaşına qarşı üzünü turşudana lənət edər." [Deyləmi]
O halda əldən gəldiyi qədər, qaş-qabaqlı olmaqdan, üzünü turşutmaqdan uzaq dayanmaq lazımdır.