ƏSHABİ KİRAM - ALIYYÜL MÜRTƏDA

"İman və elm, əkiz qardaş və bir-birindən ayrılmayan yoldaş kimidir". "Hirs, yanan bir alov kimidir. Hər kim ki, qəzəbinə hakim olarsa, onun söndürər və hər kim onu buraxarsa ilk yanan özü olar. "Axmaqlıq, dərmanı olmayan bir dərd, şəfası olmayan bir xəstəlikdir". "Allah üçün qardaş olanların sevgisi, səbəbi daim olduğu üçün davam edər. Dünya üçün qardaş olanların sevgisi, səbəbi davam etmədiyi üçün, qısa sürər, bir an gələr sona çatar". "Ağıllı, susduğu vaxt təfəkkül, danışdığı vaxt zikr edər, baxdığı vaxt da ibrət alar". "Özü əməl etmədən Allah yoluna çağıran adam, oxsuz yaya bənzəyər". "Sükut, sənə təvazö qazandırar və səni üzr istəmə zəhmətindən qurtarar". "Ehtiras, qafillərin ürəyində şeytanların sultanıdır". "Həsədçilərin ən ucuzu, həsəd etdiyi adamın əlindəki nemətlərin yox olmasını istəyər". "Elm, insanı Allahın əmr etdiyi şeylərə aparar, zühd isə o şeylərə çatmasını asanlaşdırar". "Qorxaqlıq, ehtiras və xəsislik, Allaha qarşı pis zənnin bir araya gətirdiyi pis yoldaşlardır". "Mal, xərcləndiyi qədər sahibinə ikramda olar. Adamın etdiyi xəsislik qədər ona xəyanət edər". "Fəqih (fiqh elmini bilən) elə biridir ki, insanları Allahın rəhmətindən ümidsizliyə düçar etməz və onları Allahın rəhmətindən üz çevirtməz". "Mal və uşaqlar, dünya həyatının zinətidirlər. Saleh əməl, dünyadan axirətə aparılan məhsuldur". "Allah üçün sevən bir qardaş, ən yaxından daha yaxın, ana və atalardan daha mərhəmətlidir". "Əməl edən cahil adam, yoldan başqa yerdə gedən kimidir. Bu gedişi ona, ehtiyacından uzaqlaşmaqdan başqa bir şey qazandırmaz". "İnsan, sözü ilə hesaba çəkilər və ya işi ilə qiymətləndirilər. Səni zinət cəhətdən ağır gətirəcək şeyi söylə və qiymətini artıracaq şeyi et". "Yalançı, sözündə günahkardır, istərsə dəlili qüvvətli və ağızı söz edən biri olsun". "Müşavirə, məsləhətləşmə sənə rahatlıq, başqasına yorğunluqdur". "Dünya möminin həbsxanası, ölüm hədiyyəsi, Cənnət də çatacağı yerdir". "Dünya kafirin Cənnəti, ölüm qorxulu yuxusu, Cəhənnəm də çatacağı son dayanacaqdır". "Allaha itaətlə məşğul olmaq ən qazanclı iş, doğru danışan dil isə, ən gözəlidir". "Qəddarlıq, hər kəs üçün pis bir şeydir. Şan, şərəf sahibi və böyük şəxslər üçün daha pisdir". "Təqva, dini islah, nəfsi mühafizə edər və mürüvvəti bəzəyər". "Ağıllı; alçaq dünyadan əl çəkən, Cənnəti-alaya göz dikəndir". "Səbir ən gözəl xasiyyət, elm ən şərəfli bəzək əşyasıdır". "Qəlblərin qəflətinə, gözlərin oyanıq olması fayda verməz". "Çətinliyə düşmədən əvvəl təhlükəsizlik tədbirini alan kimsə, ayağını möhkəm yerə basmış olar". "Səbir, insanların başına gələnə dözməsi deməkdir. Onu hirsləndirənə qarşı da özünə hakim olmaqdır". "Qorxu qədəri dəyişdirməz, yalnız savabın yox olmasına səbəb olar". "Ehtiras, ruzunu artırmaz". "Qazanclı olan, dünyanı axirətlə dəyişdirəndir". "Xəsis, dünyada öz nəfsinə comərd davranmaz, bütün malını varislərinə verməyə razı olar". "Mal, sahibini dünyada yüksəldər, axirətdə alçaldar".