CƏNNƏT HAQQINDA (1)

Səkkiz Cənnətin səkkiz qapısı və səkkiz açarı vardır. Birincisi, beş vaxt namaz qılan möminlərin imanıdır. ikincisi, Bəsmələ-i şərifədir. Altısı da, Fatiha-i şərifənin içindədir. Səkkiz Cənnət bunlardır:

• Darı-cəlal, bəyaz nurdandır.
• Darı-qərar, qırmızı yaqutdandır.
• Darı-salam, yaşıl qaşdandır.
• Cənətül-Huld, mərcandandır.
• Cənnətül-Məva, gümüşdəndir.
• Cənnətül-Adn, qızıldandır.
• Cənnətül-Firdevs, həm qızıldan, həm gümüşdəndir.
• Cənnətül-Nəim, qırmızı yaqutdandır.

Cənnətə girən möminlər əbədi orada qalacaq, heç çıxmayacaqlar. Orada olan hurilərin adət günləri, lohuzalığı və pis xüsusiyyətləri yoxdur. İstədikləri hər cür yemək və içmək hazır şəkildə önlərinə gələcək. Bişirmək və dərmək kimi şeylərdən uzaqdırlar. Başları üzərində quşlar uçar. Möminlər imarətlərində oturduqları halda o quşları görərlər. Əgər sən dünyada olarkən mənə bu qədər yaxın gəlsəydin, səni kabab edərdim, deyə qəlbindən keçirdiyi an, nurdan bir qab içində təzə bişmiş şəkildə onun qabağına gələr və quşu yeməyə başlar. Sümüklərini bir yerə yığaraq qəlbindən, bu yenə quş olsaydı, deyə keçirsə, qəlbinə gəldiyi an, o əvvəlki kimi quş olub uçar, gedər.
Cənnətin torpağı müşkdən, binasının bir kərpici gümüşdən, bir kərpici qızıldandır.
Cənnət əhlinin hər birinə yüz igid qüvvəti, eləcə də hər birinə ən az yetmiş huri və iki dünya xatunu veriləcəkdir. Cənnətdə dörd böyük çay vardır. Bunların mənbəyi bir, axını ayrı-ayrı olub, birinin ləzzəti digərinə bənzəməz. Onların biri saf su, ikincisi, xalis süd, üçüncüsü, Cənnət şərabı, dördüncüsü də saf baldır.
Cənnətdə hündür köşklər, imarətlər vardır. Əyildikdə, möminlər onlara minər, istədikləri yerə gedərlər. (Bunların dünyada misalı, gəzən nərdivanlar və təyyarələrdir.)
Cənnətdə Tuba ağacı vardır. Bu ağacın kökləri yuxarıda, qol-budağı aşağıya doğru sallanmışdır. Onun dünyada misalı, ay və günəşdir.