SAĞLAMLIQ ƏNCİRİN BİLİNMƏYƏN FAYDALARI

Əncirin sümüklərə yaxşı təsir etdiyini bilirsinizmi?

Əncir sümük sağlamlığı üçün lazım olan vitamin və minerallarla zəngindir. Bir kasa əncirdə 180 milliqram kalsium, C və K vitamini var. Təzə əncirin kalorisi yüksək deyil, ancaq lif baxımından zəngindir. Buna görə də pəhriz saxlayanlar üçün doyumlu meyvədir.

    Əncir ürək xəstəliyinin müalicəsi üçün gözəl şəfaverici dərmandır. Bundan başqa, əncirin meyvələri soyuqdəymə zamanı baş verən döş-boğaz ağrılarını, eləcə də quru öskürək iltihabını aradan qaldıran və ağrıkəsən təsirə malikdir. Bundan əlavə, sidikqovucu xassəsi də var. Ümumiyyətlə, əncir meyvəsinin doşabı qanazlığı zamanı və zəifləmiş orqanizm üçün çox xeyirlidir.

    Türkiyə mətbuatına istinadən əncirin yarpağı da ürək xəstəlikləri üçün gözəl dərmandır. Onun qurudulmuş yarpaqlarının çayı ürək ağrılarını götürür. Qan təzyiqini aşağı salır və ürəyin fəaliyyətini tənzimləyir.

RƏVAYƏT                                    ZİYARƏTƏ MANE OLAN MAL

    Kays, hər kəsə çox lütfkarlıqda olan, istəyənlərə borc pul verən comərd bir şəxs idi. Bir gün xəstələnər. Ancaq tanışları ziyarətinə gəlməz. Maraqlanar, sonunda öyrənər ki, özünə borclu olanlar, utandıqları üçün gələ bilmirlərmiş.

    Bunun üzərinə “Dostlarımı utandıran, ziyarətdən məhrum edən malı Allah qəhr etsin!”, deyər. Daha sonra bir dəllal çağırdıb, hər yeri gəzib “Kaysın kimdə alacağı varsa bağışlamışdır, haqqını halal etmişdir”, deməsini əmr edər.

    Elandan sonra Kaysın ziyarətinə o qədər çox insan gəlir ki, izdihamdan evinin nərdivanı qırılar.