TARİX İSTANBULUN FƏTH OLUNMASI

Az sərkərdə tapılar ki, Fateh Sultan Məhmədlə müqayisə olunsun. O, bütün ömrünü İslam dövlətinin möhkəmlənməsinə, sərhədlərinin genişlənməsinə, yeni torpaqların zəbt edilərək Osmanlı imperiyasının ərazisinə qatılmasına həsr etmişdir. Fateh Sultanın vaxtında bütün Avropa dövlətləri türk dövlətinin artmaqda olan nüfuzu və qüdrəti ilə hesablaşırdı.

 İstanbulun fəthi 6 aprel-29 may tarixləri arasında 53 gün sürən mühasirədən sonra gerçəkləşmişdi. Fateh Sultan Məhməd Xan Topqapı-Ədirnəqapı arasındakı mərkəz cəbhəsini şəxsən özü idarə etdi. Ulubatlı Həsənin bürclərə bayraq sancması ilə coşan əsgərlər dəlik –deşik olan qaladan içəri girdi. 300 000 əsgər və 20 donanmadan mütəşəkkil olan ordu yeri və göyü bürüyən təkbir  səsləri arasında günortadan sonra da Fateh Sultan Məhməd Xan Topqapıdan şəhərə girdi. İstanbulun fəthi Türk və dünya tarixi baxımından çox önəmlidir.

LƏTİFƏ                                                                          AT OĞRUSU

At oğurlamaq üçün bir tövləyə girən oğru tutulur. Ev sahibi maraq edərək oğrudan soruşur:

• - Bir daha atlarımın oğurlanmaması üçün atı necə oğurlandığını mənə öyrətsən səni sərbəst buraxacam.

Oğru qəbul edir. Sahibinin gözü önündə atın yüyənini açır, yəhər qoyur, üstünə tullanıb dörd nala uzaqlaşarkən arxaya çevrilib qışqırır:

- Öyrəndinmi? Bax at belə oğurlanır.