SÖHBƏT ORUCUN NÖVLƏRİ

8 cür oruc vardır:

 Fərz olan oruclar: Ramazanı-şərif orucu

 Müəyyən zamanda olmayan fərz oruclar: Qəza və kəffarət orucları

 Vacib oruclar: Bunlar da müəyyən zamanda olur. Bəlli gün və ya günlər oruc tutmağı əhd etmək.

 Qeyri-müəyyən oruclar: Hər-hansı bir gün və ya bir neçə gün oruc əhd etmək.

 Sünnət olan oruclar: Məhərrəm ayının 9-cu və 10-cu günləri oruc tutmaq kimi.

 Müstəhəb oruclar: Hər ərəbi ayın 13, 14 və 15-ci günləri və Qurban bayramı ərəfəsində oruc tutmaq kimi.

 Haram olan oruclar: Ramazan bayramının 1-ci günü və Qurban bayramının hər 4 günü oruc tutmaq.

 Məkruh olan oruclar: Məhərrəm ayının yalnız 10-cu günü, yalnız cümə və ya şənbə günü, novruz və mihrican günləri və bütün il hər gün oruc tutmaq və danışmamaq şərti ilə oruc tutmaq məkruhdur.

LƏTİFƏ                                                                      ASAN OXUMA

Eynəklə yazıların daha yaxşı oxunduğunu eşidən bir nəfər optik dükanında yoxladığı hər eynəkdən sonra: - Xeyri yoxdu, bununla da oxuya bilmədim-deyirdi.

Yorulan və səbri tükənən eynəkçi soruşdu: - Oxuya bilirsən?

Adam ona heyrətlə baxaraq cavab verdi: - Oxumaq bilsəm, gözlüyü neynirəm?..