MƏNQİBƏ İFTAR VERMƏK

 Bir gün Peyğəmbər əfəndimiz (sallallahu aleyhi və səlləm) buyurdu ki: “Bir kimsə Ramazan ayında bir orucluya iftar verərsə günahları bağışlanar. Haqq təala onu cəhənnəm atəşindən azad edər. O, oruclunun savabı qədər ona savab verilir”.

 Əshabi-kiram, “Ey Rəsulullah! Hər birimiz bir orucluya iftar verəcək, onu doyuracaq qədər zəngin deyilik” deyincə, buyurdu ki: “Bir xurma ilə iftar verənə də, yalnız su ilə oruc açdırana da, bir az süd ilə ikram edənə də bu savab veriləcəkdir. Bu ay elə bir aydır ki, ilk günləri rəhmət, ortası əfv və bağışlama, sonu cəhənnəmdən azad olunmaqdır. Bu ayda əmri altında olanların vəzifəsini yumşaldanları Allahu təala bağışlayıb Cəhənnəm atəşindən qurtarır. Bu ayda 4 şeyi çox edin! Bunun ikisini Allahu təala çox sevər. Bunlar kəlmeyi-şəhadəti söyləmək və istiğfar etməkdir. İkisini də onsuz da hər zaman etmək lazımdır. Bunlar da Allahu təaladan Cənnəti istəmək və Cəhənnəm atəşindən Ona sığınmaqdır. Bu ayda bir orucluya su verən, Qiyamət günü susuz qalmayacaqdır.”

MARAQLI                                                               UZUN ÖMÜRLÜ

Li Sinyun - 256 il yaşayıb. O, 1677-ci ildə doğulub və 1933-cü ildə vəfat edib. Sinyun ömrünün çox hissəsini dağlarda qida otları və müalicəvi otlar toplamaqla keçirib. İnandırıcı olmasa da o, 71 yaşında ordu sıralarına qatılıb və 100 yaşında ikən etdiyi kəşflər Çin tibb sahəsində özünü büruzə verib. Buna görə də o dövlət tərəfindən xüsusi mükafata layiq görülüb. Li Sinyun 200 yaşında olarkən universitetə mühazirə oxumaq üçün gedirdi.

O, 23 qadınla evlənmiş, bu evliliklərdən çox sayda övladı və 180 nəvəsi dünyaya gəlib. Onun uzun ömürlü olmasının üç səbəbi olub: Onlardan biri otlarla qidalanması, ikincisi həmişə aram (əsəbsiz, həyəcansız) olması, üçüncüsü, “Divxar” adlanan xüsusi otdan hazırlanan çayı içməsi..