TARİX İLK İNSANLARI YANLIŞ TANIYIRIQ

İlk insanlar, İslam dininə inanmayanların uydurduğu, filmlərdən də göründüyü kimi, elmsiz, fənnsiz, dünya görüşü olmayan, çılpaq, vəhşi insanlar deyildilər. Bəli bu gün, Asiya, Afrika çöllərində və Amerika meşələrində vəhşilər yaşadığı kimi, ilk çağda da biliksiz, bəsit yaşayanlar var idi. Ancaq, buna görə, nə bu günkü, nə də ilk insanların hamısı haqqında  vəhşidir deyilə bilməz. 

Adəm əleyhissalam və ona iman edənlər şəhərlərdə yaşayıb,oxumaq-yazmaq bilirdilər. Dəmirçilik, sap əyirmək, parça toxumaq, əkinçilik, çörək bişirmək kimi sənətləri var idi. 

Allahü təala, Adəm əleyhissalama 10 səhifə göndərdi. Bu səhifələrdə; iman ediləcək şeylər, müxtəlif dillərdə lüğətlər, hər gün bir vaxt namaz qılmaq, qüsul  almaq, oruc tutmaq, leş, qan, donuz əti yeməmək, bir çox sənətlər, tibb, dərmanlar, hesab, həndəsə [geometriya] kimi şeylər bildirilmişdi. Adəm əleyhissalam zamanında qızıl pul da kəsilmiş, mədən ocaqları işlədilib alətlər hazırlanmışdı. Nuh əleyhissalamın gəmisinin, ocaq yanaraq, qazanı qaynayaraq hərəkət etdiyini, Qur'ani kərim açıqca bildirir. 

Bəzi tarixçilər, heç bir vəsiqə və tədqiqata istinad etmədən; “İlk insanlar vəhşi idi, bir şey bilməzdilər” deyərək, Müsəlman övladlarını dinsiz, imansız yetişdirmək istəyirlər. Heç bir dinə inanmayan bir qisim insanlar da, elm adamı görünərək; yalnış düşüncələrini, elm pərdəsi altında ətrafa saçırlar. Məsələn; “Bütün canlıların özəyi olan hüceyrə, milyon illər əvvəl, dənizlərdə, təsadüfən öz-özünə meydana gəlib, zamanla kiçik dəniz bitkiləri və heyvanları, sonra isəqurudakılar meydana gəlib, ən son insan halına çevrilmişdir.” kimi şeylər söyləyirlər.    Tam İlmihal Səadət-i Əbədiyyə s. 80