SÖHBƏT ALACAĞI BAĞIŞLAMAQ

Sual: Bir kasıbdan alacağım var, ödəyə bilmir. Borcumu almasam sədəqə yerinə keçərmi? Bağışlamağın dindəki yeri nədir?

CAVAB

Borclu kasıbdırsa hədiyyəniz sədəqə olar. Alacağı bağışlamaq çox savabdır. Hədisi-şəriflərdə buyuruldu ki:

“Heç bir himayənin olmadığı qiyamət günündə Allahu təalanın himayəsinə girmək istəyən alacağını bağışlasın!”  [Tabərani]

“Alacağını bağışlayan qiyamət günü Allahu təalanın himayəsindədir.” [Bəğavi]

“Qiyamətdə Allahu təalanın himayə edəcəyi insanların ilki, əlinə keçənə qədər kasıbdakı alacağını təxirə salan və ya Allah rizası üçün alacağını bağışlayan və sənədini cırıb atandır.” [Tabərani]

“Verən əl, alan əldən üstündür.”  [İbni Huzeymə]

                                                    AĞAC ƏKMƏYİN ƏHƏMİYYƏTİ

Ağac əkməyin əhəmiyyəti

Sual: Dinimizdə ağac əkməyin əhəmiyyəti nədir?

CAVAB

                Meyvəli, meyvəsiz ağacların və meşələrin insanlara olan faydaları  sayıla bilməyəcək qədər çoxdur. İnsanlıq üçün belə bir xidmət etməyin dinimizdəki önəmi böyükdür. Bu barədə bildirilən hədisi-şəriflərdən bəziləri belədir:

                “Əkilən ağacdan alınacaq meyvə sayısı qədər əkənə savab verilir.”  (İ. Əhməd)

                “Bir kimsə bir ağac əkər, ağac meyvə verənə qədər onu qoruyub baxarsa, bu ağacdan tökülən hər meyvə Allah qatında o kimsə üçün bir sədəqə olar.” (İ. Əhməd)

                “Bir ağacdan insanlar, heyvanlar və ya quşlar istifadə edərsə, o ağacı əkən üçün  bir sədəqə olar.” (Buxari)

                “Bir ağacdan yeyilən və ya oğurlanan şeylər, o ağacı əkən üçün sədəqə olar.”