SÖHBƏT ALLAHI HEÇ UNUTMAMAQ (1)

Sual: İslam Əxlaqı kitabında 54 fərzin ilk maddəsində, “Allahı bir bilib, heç unutmamaq fərzdir” deyilir. Biz səhərdən axşama qədər çox unuduruq. Bu fərzi tərk ediriksə, daima harama girmiş oluruqmu?

CAVAB

Beş vaxt namaz qılıb haramlardan çəkinən bir Müsəlman Allahı unutmuş sayılmaz. Bir vaxt namazı qılıb növbəti namazı gözləməklə daima ibadət etmiş, Allahı unutmamış oluruq. Sübh namazına qalxmaq niyyəti ilə gecə yatanda, səhərə qədər yuxuda belə ibadət etmiş, Allahı unutmamış oluruq. Halbuki yuxu tam bir qəflətdir. Buna baxmayaraq sırf niyyətimizə görə yuxumuz da ibadət sayılır.

Beş vaxt namazı qılıb doğru niyyət edərək çalışanın hər etdiyi iş ibadət olur.

Allahu təala çox şəfqətli, çox mərhəmətli, çox əfv edici olduğu üçün namazlar arasındakı xətalarımız silinsin deyə beş vaxt namazı əmr etmişdir. Bir hədis-i şərif məali belədir:

“Gündə beş dəfə yuyunanın kirləri təmizləndiyi kimi, beş vaxt namaz qılanın da günahları təmizlənər.” [Buxari]