SÖHBƏT BAŞQASININ MƏKTUBUNU OXUMAQ

Sual: Bəzi yoldaşların kiminlə məktublaşdığını, nələr yazdığını maraq edirəm. Hər hansı bir yolla və ya şifrəsini qıraraq başqasının elektron məktublarına, kompüterindəki digər yazılara və xüsusi rəsmlərinə baxmaq günahdırmı, qul haqqına girərmi?

CAVAB

                Özünə icazə verilmişsə günah olmaz. İcazəsiz baxılarsa böyük günahdır, qul haqqına da girər. Ümumi icazə verilsə belə kompüterində xüsusi şeylər olacağı üçün ehtiyac qədər baxmalı, başqa nə var, nə yox deyə araşdırmamaq lazımdır. Dört hədisi-şərif məali belədir:

                “Yoldaşının yazısına icazəsiz baxan Cəhənnəm atəşinə baxmış olar.” (Tabərani)

                “Yoldaşının məktubuna icazəsiz baxan atəşə baxmış olar.” (Əbu Davud)

                “İcazəsiz bir evin içinə baxan haram işləmiş olar.” (Əbu Davud, Tirmizi)

                “Birinin evinə icazəsiz baxanın gözü çıxarılsa yeridir.” (Müslim)

                Başqasının şəxsi məlumatlarına icazəsiz baxmaq qul haqqı olduğu kimi, onu bir başqasına göstərmək də söz daşımağa, qeybətə girər. Bunlar da haramdır. Bir kimsəyə mail göndərərkən, o maildə öz yazdıqlarımızdan başqa, başqasının yazıları daha əvvəl verdikləri  cavablar da varsa, gizli (bcc) qismə başqalarının mail adresini yazaraq, onlara da gizlicə göndərmək, o yazıları başqalarına göstərmək olur.   

                Belə bir şey edilmişsə tövbə edib o kimsəylə halallaşmaq lazımdır.