SÖHBƏT BİR ANADAN QIZINA MƏKTUB (1)

Mənim balam! İndi sənə qırx illik evliliyimin təcrübələrinə dayanaraq bəzi nəsihətlər verəcəyəm. Bu nəsihətlərimə əməl etsən dünyada xoşbəxt bir ömür keçirdiyin kimi, axirətdə də əbədi səadətə nail olarsan.
1-Qənaətkar ol! Yəni, həyat yoldaşın tərəfindən gətirilən yemək və geyimin hamısını məmnuniyyətlə qəbul et! Çünki, qənaət, qəlbi hüzura çatdırar.
2-Dediklərini daim yaxşı dinlə və həyat yoldaşının bütün mümkün əmrlərinə itaət et!

3-Evin və hər şeyin hər zaman, təmiz, müntəzəm və səliqəli olsun! 
4-Həyat yoldaşının yemək vaxtı ilə yuxu vaxtına diqqət etməlisən! Aclıq insanı narahat edər,qıcıqlandırar , yuxusuzluq isə əsəbi edər.
5-Evinin mallarını və eşyasını yaxşı qoru! Etdiyin işləri, yaxşılıqları başa vurma! Yaxşılığa qarşı yaxşılıq tez unudulur, ancaq pisliyə qarşı olunan yaxşılıq unudulmaz.

6-Həyat yoldaşının yaxınlarına gözəl davran! Ərinin xətalarını, yalnız olan vaxt, yumşaq bir şəkildə ona söylə!

7-Həyat yoldaşının sirrlərını heç kimə danışma! Ər-arvad arasındakı sirrlər qəbrə qədər getməlidir.

8-Həyat yoldaşının sevincini və kədərini paylaş! Ona hər tərəfli bir həyat yoldaşı, dost ol! Yalan söyləmə ona, yalan, ailəni içəridən yıxan bir qurddur.

9-Aranızdakı problemləri özünüz həll edin! Heç vaxt onları, bizə və başqasına daşıma! Heç kimdən mədət umma!
10-Həyat yoldaşından, almaqda zorlanacağı, gücünün çatmayacağı şeyləri istəmə!

11-Qadının gözəl xasiyyətli olması, əri üçün Cənnət nemətidir. Sən erin üçün Cənnət neməti ol! Əzab çəktirmə!

Bunları bacarmaq, ancaq, onun istəklərini öz istəklərinə, onun razılığını öz arzularına dəyişməklə mümkün ola bilər. Həmişə öz istək və arzularını ön plana çıxarsan, bu nəsihətlərə əməl etmək mümkün olmaz.