QORXUSUZ CƏNGAVƏR YƏHYA AĞA... (2)

Qala komandiri, “Baharda buranı necə olsa yenidən zəpt edərik” deyə düşünərək, “danışıq” yolunu tətbiq etməyə başladı. Paşanın təklifinə düşmən tərəfi də çox məmnun oldu. 
Düşmən komandiri Osmanlı elçisindən soruşdu:

-Danışıqlar üçün şərtləriniz nədir?

- Danışığın şərtləri məlumdur. Silahlarımızla çıxıb gedəcəyik. Yalnız bir xüsus var! Qaladakı piyadalardan biri yeddi yoldaşı ilə bərabər danışığa getməyi qəbul etmir. Biz çıxıb getdikdən sonra onlar qalada qalıb sizinlə cəng edəcəklər.

Düşmən komandirinin ağzı bir qarış açıq qalmışdı. Əvvəlcə nə deyəcəyini bilmədi. Kəkələdi:

- Səksən min döyüşcüyə qarşı səkkiz nəfərmi? Şey... Eh... Elə  olsun neyləyək... Olsun...

Ətrafındakılar da bu işə çox təəccübləndilərsə də çox da önəm vermədilər, ciddiyə belə almadılar. 

Səksən minə qarşı səkkiz qəhrəman!

Estonibelqrad “danışıqlar yolu ilə” ilə təslim edilmişdi. Ancaq Yəhya Ağa və yeddi qorxusuz cəngavər, cəng edərək şəhid olmaq arzusuyla qalada qaldılar. Qəhrəmanlar, sübh namazından sonra qaladan çıxan süvarilərin, yaxşıca uzaqlaşıb uzaq üfüqdə itmələrini gözləyirdilər.Çünki cəng tezliklə başlasaydı, onların taqət gətirə bilməyib geri dönmələrindən və düşmənə hücum edib sonuna qədər döyüşərək boş yerə yox olmalarından qorxurdular...