HEYVANLAR ALƏMİ VOLVERİN

Şimali Amerika və Avropa meşələrində çox nadir görülən volverin, qorxu nədir bilməyən ayıya bənzəyən amansız bir qatil heyvandır. Onu uzaqdan görən heyvanlar, panika içində qaçışaraq təcili sığınacaq bir yer axrarırlar. Volverin kiçik qəhvərəngi bir ayını xatırladır. 120 sm. uzunluğunda, 15-25 kq. ağırlığındadır. Uzun, qıvrıq pəncələri və bıçaq kimi kəskin dişləri vardır. İki adamın qaldıra bilməyəcəyi ağır bir kötüyü qaldıracaq qədər qüvvətlidir.

Volverin tam bir meşə canisidir. Ümumiyyətlə heç bir şeydən qorxmur. Çox cəsur və hiyləgərdir. Elə hürkütücü xorultu və nərə çəkərək gurultu edir ki, baxanları qorxu və nifrət içində qoyur. Bir qurd sürüsü belə tək bir volverinə yol verir. Bir insan qədər hiyləgərdir. Silahlı adama belə hücum edir. Balalarını payıza qədər təlim edir. Bir ağaca və ya yüksək bir qayaya dırmanaraq pusu qurur. Ovunun üstünə atlayaraq dişlərini ənsəsinə keçirir. Dəmir tələlərdən necə xilas olduğunu, yaylarını necə boşaltdığını heç kim anlaya bilməmişdir. Bu işləri sadəcə təcrübəyə əsaslanaraq edə bilməz. Çünki dümdüz ərazidə böyüyən bala volverinlər belə çox hiyləgərliklə bu tələlərdən qaça bilirlər. Gecə bütün tələlərdəki yemlik heyvanları yeyib tələyə düşmürlər.