MƏNQİBƏ BAL TƏFSİRİ

Bir gün Peyğəmbər əfəndimiz əleyhissalam, Əshabı güzin həzrətləri ilə oturmuşdu. Qüdrətdən ortaya bir ağ tas gəldi. İçi ağ bal ilə dolu idi. Üstündə bir ağ tük var idi. Çox heyrətləndilər. Rəsulullah əfəndimiz buyurdu ki:

“Gəlin hər birimiz bu üçünə bir təmsil gətirməyincə əl sürməyək.” 
Həzrəti Əbu Bəkir buyurdu ki:

“Rəsulullah həzrətləri bu tasdan nurludur. Rəsulullah ilə söhbət etmək bu baldan şirindir. Rəsulullahın sünnətini yerinə yetirmək bu tükdən incədir.”

Həzrəti Ömər buyurdu ki:

“İman bu tasdan nurludur. İman etmək bu baldan şirindir. İman ilə getmək bu tükdən incədir.”

Ondan sonra Həzrəti Osman buyurdu ki:

“Qurani-kərim bu tasdan nurludur. Qurani kərim oxumaq bu baldan şirindir. Qurani kərimin buyurduğuna əməl etmək bu tükdən incədir.”

Ondan sonra Həzrəti Əli buyurdu ki:

“Qonağın üzü bu tasdan nurludur. Qonaq ilə yemək yemək bu baldan şirindir. Qonağın xətri istədiyini yerinə yetirmək bu tükdən incədir.”

Ondan sonra Həzrəti Aişə validəmiz buyurdu ki:

“Halal [zövcün] üzü bu tasdan nurludur. Halalı ilə söhbətləşmək bu baldan şirindir. Halalının xidmətində durmaq bu tükdən incədir.” 
Ondan sonra Həzrəti Fatimə-tüz-Zəhra buyurdu ki:

“Qız uşağının üzü bu tasdan nurludur. Ana-atasını çox istəməsi bu baldan şirindir. Qız uşağının ayıbsız evlənməsi bu tükdən incədir.”

Ondan sonra Fəxri aləm əfəndimiz buyurdu ki:

“Ümmətimin üzü bu tasdan nurludur. Ümmətim üçün şəfaət bu baldan şirindir. Şəfaətin qəbul olması bu tükdən incədir.” [Mənakibi cihari yari Güzin, Qırx ikinci Mənakib]