SAĞLAMLIQ MAQNEZİUM

Maqnezium həyati əhəmiyyət daşıyan 11 mineraldan biri, hətta ən mühümüdür. Orqanizmə maqnezium qida yoluyla qəbul olunur, stressə və miqrenə qarşı faydalıdır və ürəyi qoruyur.

Astma, allergiya və zökəmi yüngülləşdirir. Maqnezium, sinir və əzələ sisteminin sağlamlığı, diş və sümüklər üçün də önəmlidir. Bəzən (Pəhriz, idman, stress, alkoqol və siqaret...) əlavə maqneziuma ehtiyaç olunur. Ayrıca dərini və saçı gözəlləşdirir, dırnaqları qüvvətləndirir. 300 katalizatoru çalışdırır və bununla metabolizmə təsir edir.

Maqnezium torpaq və dəniz suyunun tərkibində vardır. Bu mineral, funksiyasını yerinə yetirə bilməsi üçün orqanizmə davamlı olaraq verilməlidir. Ayrıca həddən artıq tərləyən, qəbzlik əleyhinə dərmanları qəbul edən insanlarda orqanizmdən normadan artıq maqnezium ifraz olunur. Stress, hamiləlik və süd əmizdirmə dövründə isə orqanizmin maqneziuma olan ehtiyacı daha da artır və orqanizm bu mineralı kifayət qədər almadığı təqdirdə sümüklərdə depolanmış maqneziuma əl atır.

Mədə-bağırsaq bölgəsində, ifrazat yollarında və baldırlardakı kramplar,ürək ritmindəki pozuntular, boyunda və çiyinlərdə qıcolmalar və ya əsəbilik, əllərdə keyimələr və paresteziya, miqren, diqqət azlığı, gurultuya qarşı həssaslıq maqnezium çatışmamazlığının əlamətləridir.

Maqnezium; taxıllarda, paxlalılarda, yaşıl tərəvəzlər, yumurta, alma, yer fındığı, günəbaxan tumu, kəpək, xurma, kök, kərəviz və kahıda bol vardır.