QALANI TƏSLIM ETMƏK ÜÇÜN VƏZIR QOYULMADIM (1)

Misir və Fələstini asanlıqla zəbt edən Napoleon, Aqqa Qalasının da bir-iki gün içərisində düşəcəyini xəyal etmiş və Cəzzar Əhməd Paşaya bu məktubu yazmışdı: “Budur, qalanın divarlarının önünə gəldim. Bir qocanın geri qalmış bir neçə günlük ömrünü almaq mənə heç nə qazandırmaz. Səninlə savaşmaq istəmirəm. Mənimlə dost ol və qalanı təslim et!”

Cəzzar Əhməd Paşanın bu məktuba verdiyi cavab budur: 
“Allaha həmd olsun ki, gücümüz çatır, əlimiz silah tutur. Geri qalan bir neçə günlük ömrümüzü də cənglərdə keçirərik!” 
Məşhur Fransız generalı, Paşanın bu cavabını oxuduqda ətrafındakılara dedi ki: 
“Aydındır, bu qoca bizim bir neçə günümüzü məşğul edəcək, amma narahat olmayın, iki gün sonra şəhərin ortasında olacayıq.”
Napoleonun Aqqa mühasirəsi tam 64 gün davam etdi. Hər gün bir az daha artan təzyiq heç bir nəticə vermədi, Fransızların hər hücumu geri çevrilir və ağır itkilər verilir. Yenilməz ünvanı daşıyan Napoleon, qaladakıların ağıllara durğunluq verən qəhrəmanlığı qarşısında çaşıb qalmışdı. Yüksək rütbəli bir hərbiçini qalaya göndərib və dirənməyin nəticə verməyəcəyini, şəhər təslim edilərsə Paşanın ordusu və silahlarıyla birlikdə istədiyi yerə getməsinə -guya- icazə verəcəyini bildirir. Amma Cəzzar Əhməd Paşadan bu cavabı alır:
“Dövlət bizi bu qalanı təslim etmək üçün vəzir təyin etmədi. Mən Cəzzar Əhməd Paşa, şəhidlik mərtəbəsinə çatmamış bir qarış torpaq vermərəm!..”
Paşanın bu cavabı Napoleonu hövsələdən çıxarır. Qurduğu yeni planlarla topçular gecə-gündüz Aqqa qalasını vurdular. Məqsədi bu idi ki,açılan dəliklərdən şəhərə girə bilənlər Osmanlı süngüsü ilə məhv edilərlər.