HANSI VİTAMİN HANSI QİDADADIR

A vitamini: Oraqanizmin inkişaf etməsi, göz sağlamlığı, tənəffüs sistemi və sağlam bir dəri üçün lazımdır. Qaraciyər, yağsız ət, süd, kərə yağı, yumurta, yaşıl və sarı tərəvəzlərdə olur.

B vitamini: B-1, B-2, B-6 və B-12 vitaminlərini tərkibinə daxil olan qrupdur. İştah, həzm və sinir sistemi üçün lazımdır. B qrupu vitaminlər; taxıllar, yağsız ət, böyrək, ürək, beyin, qaraciyər, araxis, toyuq, qoz, yumurta, kəpəkli çörək və yağlı toxumlarda olur.

B-1 vitamini: Buğda, düyü, qarğıdalı, yulaf, darı, çovdar və bunlarla hazırlanan yeməklərdə, kəpəkli çörəkdə və pivə mayasında olur.

B-2 vitamini: Süd, pendir, qatıq və tünd yaşıl yarpaqlı tərəvəzlərdə vardır.

B-6 vitamini: Ev quşları(toyuq,qaz,ördək,hind quşu və s.), dana və qoyun əti, qaraciyər və yumurtada olur.

B-12 vitamini: Qaraciyər, ət və yumurtada olur.

C vitamini: Bədənin immunitetini artırır, infeksion xəstəliklərdən qoruyur, toxumaların və diş ətlərinin sağlamlığı üçün lazımdır. Ən çox siqaret çəkənlərə vacibdir. Portağal, mandalin, greyfurt, limon, kök, çiyələk, qovun, təzə qırmızı və yaşıl bibər,ağ və qırmızı kələm, cəfəri, itburnu və yaşıl tərəvəzlərdə olur.

D vitamini: Kalsium və fosforun sovrularaq bədənə faydalı bir vəziyyətə gəlməsi, sümüklərin inkişaf etməsi üçün lazımdır. Balıq yağı, süd və kərə yağında olur.

E vitamini: Böyümə və artma üçün lazımdır. Buğda, düyü, qarğıdalı, çovdar, kahı, soya, araxis, balqabaq tumu, küncüt, qoz, zeytun yağı, günəbaxan yağı və yaşıl tərəvəzlərdə olur.

K vitamini: Qanın normal müddətdə laxtalanması üçün lazımdır. Ət, qaraciyər, pomidor, balqabaq, gül kələm, ispanaq və yaşıl yarpaqlı tərəvəzlərdə olur.