MƏNQİBƏ ƏSGƏRİMƏ HALAL TİKƏ LAZIMDIR!

Sultan II Murad Xanın dövründə, hələ Osmanlılarda xəzinə təşkil edilib saraya təhsisat ayrılmamışdı. Vəziyyət belə olduğuna görə, padşahlar da çox vaxt pulsuz qala bilirdi.

Fəzlullah Paşa, II Murad Xanın Çandarlı Xəlil Paşadan borc pul istədiyini görüb dedi ki:

- Sultanım, Padşahın vəzirlərdən və ondan-bundan pul istəməsi yerində olmaz. İcazə buyursanız bir xəzinə təşkil edilsin və oradan saraya təhsisat ayrılsın.

Fəzlullah Paşanı dinləyən Sultan Murad həzrətləri soruşdu:

- Bu pulu haradan təmin edəcəksən?

Paşa dedi ki:

- Sultanım çoxlu sayda zəngin var, bir fərmanla bəzilərindən mal toplamaq mümkündür.

Sultan Murad Xan, cəlallı bir şəkildə dedi ki:

- Paşam, bu necə sözdür! Belə bir şeyi necə təklif edə bilərsən. Bizim idarəmizdə üç halal tikə vardır. Biri mədənlər, biri cizyə, biri də döyüş qənimətləridir. Bizim əsgərimiz qazi əsgərlərdir. Bunlara halal tikə lazımdır. Bir padşah ki əsgərə haram tikə yedirər, o əsgər artıq harami olar,harami də sonuna qədər dirəniş göstərməz. Kiçik bir müqavimətlə qarşılaşsa dərhal fərar edər, qaçar. Sonrası isə məlumdur!..