SAĞLAMLIQ BEL YIRTIĞI ASAN MÜALİCƏ EDİLİR (1)

Belimizdə beş ədəd onurğa sümüyü vardır. Bu sümüklər arasında da disk adı verilən qığırdaqlar yerləşir. Disk xüsusi bir birləşdirici orqandır və onurqanın möhkəmliyinə, hərəkətliliyinə və onurğaya düşən ağırlıqlara qarşı müqavimət göstərməsində iştirak edir. Bel yırtığı beldəki onurğa sümükləri arasında olan və adətən amartizator kimi funksiyası olan disklərin yırtılması nəticəsində ortaya çıxan xəstəlikdir. Bu da sinirləri sıxışdırır və xəstəlik özünü göstərir.

Ağır yük qaldırmaq və ya qəfil bir hərəkət etmək kimi bir çox xarici faktorlar da, bel yırtığının meydana gəlməsində önəmli rol oynayır. Çünki, elə insan vardır ki, 120 kq qaldırır, heç bir şey olmur; eləsi də vardır ki, 5 kq qaldırır bel yırtığı əmələ gəlir.

Bel və ayaq ağrısı ən aydın şikayətdir. Hərəkət məhdudluğu, axsayaraq yerimə, bədənin bir tərəfə doğru əyilməsi göstərici ola bilər. Bel yırtığında bel və ayaq ağrısı gəzməklə, iş görməklə və ayaq üstə qalmaqla, öskürməklə artırsa sərt yataqda yatmaqla azala bilər.